Cupid’s Last Wish

မယ်ဥလိုမျိုး A Tale of Thousand Stars က EarthMix ကို လွမ်းနေကြတဲ့ GCverse က Y ချစ်သူတွေအတွက် အလွမ်းလည်းပြေ၊ ဂျီစီဗားရှင်းလေးကိုလည်း ခံစားလို့ရအောင် ဒီဇာတ်လမ်းကောင်းလေးကို GC နတ်ကွန်း Group ကနေ တင်ဆက်‌ပေးလိုက်ပါတယ်။

ကွန် (Earth) နဲ့ ဝင်း (Mix)တို့က ငယ်ငယ်လေးကတည်းက ခင်မင်လာခဲ့ကြတဲ့ သူငယ်ချင်းတွေပါ။ ဘယ်လောက်တောင်ခင်ကြလဲဆိုရင် ဝင်းပိုင်ဆိုင်တဲ့နွားခြံမှာလည်း ကွန်ကအမြဲဝင်ကူ၊ ထမင်းအတူစား၊ မိသားစုလိုဖြစ်နေတဲ့အဆင့်ဖြစ်နေပါပြီ။ ဒါပေမဲ့ ဒီလိုခင်မင်မှုရဲ့ကောင်းကျိုးပေလား၊ ဆိုးကျိုးပေလားမသိ၊ ဝင်းရဲ့ဖခင်သေတမ်းစာမှာ ကွန်တစ်ယောက် မိသားစုနဲ့တန်းတူ အမွေရလာတဲ့အခါမှာ ကွန့်ကို ကပ်စားတဲ့ကောင်ဆိုပြီး သူငယ်ချင်းကြီးရဲ့ ရန်သူလိုသတ်မှတ်ခြင်းခံရပါတော့တယ်။ ဒီကြားမှာ ဝင်းညီမ လင်းကလည်း ကွန့်ကိုကူညီနေတဲ့အခါ ဝင်းတစ်ယောက် ဒေါသတွေပေါက်ကွဲပြီး မောင်နှမနှစ်ယောက် ကားတိုက်မှုဖြစ်သွားကြပါတော့တယ်။

ကားတိုက်ပြီး ဝင်းတစ်ယောက်ပြန်သတိလည်လာတဲ့အခါမှာတော့ လင်းရဲ့ခန္ဓာကိုယ်ထဲမှာ ဝင်းတစ်ယောက် နိုးနေပါတော့တယ်။ အဖြစ်ဆိုးတွေပိုမဆိုးလာခင် ပြောင်းပြန်လှန်နိုင်ဖို့အတွက် ၇ ရက်အတွင်း ထိုင်းနိုင်ငံအတွင်းက ဘုန်းကြီးကျောင်း ၄ ကျောင်းဆီသွားပြီး ပရိတ်ရည်လိုက်စုမှဖြစ်မယ်မှန်း သိလိုက်ရသောအခါ。。。

အဲဒီလိုစုဖို့အတွက် သူ့ရဲ့ရန်သူတော် ကွန်နဲ့အတူသွားရမှဖြစ်မယ်ဆိုသောအခါ。。。

ဝင်းတစ်ယောက် ပရိတ်ရည်စုဆောင်းတဲ့ခရီးမှာ ဘယ်လိုအခက်အခဲတွေကြုံရမလဲ? သူ့ညီမလေး လင်းကရော သတိပြန်လည်ပါ့မလား? သူရော သူ့မူလခန္ဓာကိုယ်ထဲပြန်ရောက်ပါ့မလား? ကွန်နဲ့ရော အထင်လွဲနေတာတွေ ပြေလည်ပြီး အဆင်ပြေနိုင်ပါ့မလား?

GMM ရဲ့နာမည်ကြီး EarthMix အတွဲရဲ့ ဒုတိယမြောက်ဇာတ်ကားဖြစ်တဲ့အပြင် GMM အတွဲတွေရဲ့ နာမည်ကျော်တတိယဘီးလေး Janhae လည်း ပါဝင်ထားတဲ့အတွက်ကြောင့် ဒီနှစ်လာမယ့် Moonlight Chicken မတိုင်ခင် စောင့်ရင်းကြည့်ရအောင်လို့ မယ်ဥတို့ GC နတ်ကွန်း Group ကနေ ဘာသာပြန်တင်ဆက်ပေးလိုက်ရပါတယ်။

Reviewed by Egg

Translated by GC နတ်သမီး‌လေးများ

Encoded by Way