See You Again

Hi GC Verse! ဒီတစ်ခေါက် GC Verse တို့အတွက် ရွေးချယ်ပေးထားတဲ့ တရုတ်ဇာတ်ကားသစ်လေးကတော့ ပြန်လည်မွေးဖွားခြင်း (အချိန်ခရီးသွားခြင်း)ဇာတ်ကားလေး တစ်ပုဒ်ဖြစ်တဲ့ See You Again ဆိုတဲ့ ဇာတ်လမ်းတွဲလေးပဲ ဖြစ်ပါတယ် ဒီဇာတ်လမ်းလေးကတော့ 1930ခုနှစ် Republican ခေတ်ကာလက ရုပ်ရှင်သရုပ်ဆောင်မင်းသားလေးနဲ့ 21ရာစုမှာနေထိုင်တဲ့ ဇာတ်ညွှန်းရေးဆရာမတို့ နှစ်ယောက်ရဲ့ အချစ်အတွက် အချိန်နဲ့နယ်နိမိတ်တို့ရဲ့ ကန့်သတ်ချက်တွေကို ကျော်ဖြတ်ပြီး အတားအဆီးတွေကို နှစ်ယောက်သား အတူတူလက်တွဲဖြေရှင်းသွားကြပုံတွေကို စိတ်ကူးယဉ်ဆန်ဆန် ပုံဖော်ရိုက်ကူးထားတဲ့ ဇာတ်လမ်းလေးတစ်ပုဒ်ဖြစ်ပါတယ်။ ဒီ‌ဇာတ်ကားမှာ အဓိကပါဝင်သရုပ်ဆောင်ထားသူတွေကတော့ A Love Ao Beautiful, Handsome Siblings, My Roommate is a Detective, Checkmate ဇာတ်ကားတို့မှ ဇာတ်လိုက်မင်းသား Hu Yitian နှင့် Ashes of Love, Heavenly Sword and Dragon Sabre, Mirror: A Tale of Twin Cities ဇာတ်ကားများမှ မင်းသမီးချောလေး Yukee Chen (Chen Yuqi) တို့ပဲဖြစ်ပါတယ် ဒါ့အပြင် တခြားနာမည်ရ အနုပညာရှင်များစွာမှလည်း ပါဝင်ကူညီအားဖြည့်ပေးထားသောကြောင့် စိတ်ဝင်စားဖွယ်ရာကြည့်ရှုနိုင်မဲ့ ဇာတ်လမ်းကောင်းလေးတစ်ပုဒ်ဆိုလည်း မမှားပါဘူး ဇာတ်လမ်းအကျဉ်း 1930ခုနှစ်ကာလအတွင်း ရုပ်ရှင်မင်းသား ရှန့်ချင်ယွီဟာ ဇာတ်လမ်းရိုက်ကူးတဲ့ နေရာမှာ ပစ်ခတ်ခံလိုက်ရပြီးနောက် ထူးဆန်းစွာနဲ့ သူဟာ ၂၁ရာစုဆီသို့ အချိန်ခရီးသွားခဲ့‌‌ကြောင်း အမှတ်မထင်သိရှိခဲ့ရပါတယ်။ အပြင်ပန်းအသွင်ကတော့ ခက်ထန်မာကျောပြီး မာနကြီးဟန် ရှိပေမယ့်လည်း အတွင်းစိတ်ထားကတော့ နူးညံ့ပြီး သူတစ်ပါးကို ကူညီလိုစိတ်ရှိသူ မင်းသား ရှန့်ချင်ယွီဟာ ဘဝကို ရိုးရိုးရှင်းရှင်းဖြတ်သန်းတတ်ပြီး သွက်လက်ထက်မြတ်တဲ့ ဇာတ်ညွှန်းရေးဆရာမတစ်ဦးဖြစ်သူ ကျင်းအားယင်နဲ့ တွေ့ဆုံဖို့ရာအကြောင်းဖန်လာခဲ့ပြီး မေတ္တာနှောင်ကြိုးတွေအထပ်ထပ် ရစ်တွယ်ကာ တစ်ဦးနဲ့တစ်ဦး မေတ္တာသက်ဝင်ခဲ့ကြပါတယ် ။ သူတို့နှစ်ယောက် ချစ်ကျွမ်းဝင်ကြပြီးနောက်ပိုင်းမှာတော့ ရှန့်ချင်ယွီတစ်ယောက် သူ့ရဲ့ ပစ်ခတ်ခံရမှုအကြောင်းနဲ့ သူ့ရဲ့ ထူးဆန်းစွာနဲ့ ၂၁ရာစုမှာ ပြန်လည်မွေးဖွားလာရခြင်းတို့ရဲ့ အကြောင်းအရင်းမှန်တွေကို လိုက်လံစုံစမ်း ဖော်ထုတ်ဖို့ ကြိုးစားပါတော့တယ်။ အချိန်နဲ့နယ်နိမိတ်တို့ရဲ့ အခက်အခဲအတားအဆီးတွေကို နှစ်ယောက်သား ဘယ်လို လက်တွဲပြီးရင်ဆိုင်ကျော်ဖြတ်ကြမလဲ၊ ရှန့်ချင်ယွီက‌‌ရောဘာကြောင့် ပစ်ခတ်ခံရသလဲ ၊ဘယ်လိုအကြောင်းတွေကြောင့် သူဟာ၂၁ရာစုမှာ ပြန်လည်မွေးဖွားလာရလဲ စတဲ့ ပဟေဠိ‌ဆန်ဆန် မေးခွန်းတွေရဲ့ အဖြေကို ဇာတ်ဆောင်ဖြစ်သူတွေနဲ့အတူတူ လိုက်ပါစီးမျောရင်း ကြည့်ရှုချင်တယ်ဆိုရင်တော့ historical,romance, fantasy drama အမျိုးအစားဖြစ်တဲ့ See You Again အမည်ရတဲ့ ဒီတရုတ်ဇာတ်လမ်းတွဲလေးကို GC drama မှာ september 5ရက်နေ့မှ စပြီး နေ့စဉ်စောင့်မျှော်ကြည့်ရှုအားပေးနိုင်ပါတယ်

Reviewed by April Chyu and Feyremme

Translated by GC Chinese Team

Encoded by Lwin Naung