Live On

Live On

18 Again အစားပြပေးသွားမယ့် JTBC ရဲ့ Live On ဆိုတဲ့ Ongoing Serie လေးကို တင်ဆက်ပေးလိုက်ပါတယ်။ အင်္ဂါတစ်ရက်တည်း ထုတ်လွှင့်သွားမှာဖြစ်ပြီး အပိုင်း ၈ ပိုင်းပါရှိမှာဖြစ်ပါတယ်။

ဘဲ့ဟိုရမ်ဆိုတဲ့ အထက်တန်းကျောင်းသူလေးဟာ သူမရဲ့ချောမောတဲ့ရုပ်ရည်လေးကြောင့် Social Media ပေါ်မှာနာမည်ကြီးလှပါတယ်။ ဒါပေမယ့် လက်တွေ့မှာတော့ သူမရဲ့သူတစ်ပါးကို နှိမ်သလိုပြုမူတတ်တဲ့ အကျင့်စရိုက်လေး​ကြောင့်ရယ်၊ တစ်စုံတစ်ခုကို ဖုံးကွယ်ထားသလိုအပြုအမူကြောင့်ရယ် သူမမှာ သူငယ်ချင်းတစ်ယောက်သာရှိပါတယ်။ အဲ့လိုနဲ့ သူမရဲ့ လျှို့ဝှက်ချက်ကို တစ်စုံတစ်ယောက်ကဖော်ထုတ်မယ်လို့ ခြိမ်းခြောက်လာခဲ့ပါတယ်။

ဂိုအွန်ထယ်ကတော့ အထက်တန်းကျောင်းရဲ့ အသံလွှင့်ကလပ်ရဲ့ခေါင်းဆောင်ပါ။ စည်းကမ်းကြီးပြီး ​ထက်မြက်မှု၊ အဖက်ဖက်မှာထူးချွန်မှုတွေကြောင့် ကလပ်အသင်းဝင်တွေရဲ့ လေးစားမှုကိုရရှိထားသူဖြစ်ပါတယ်။

ဟိုရမ်တစ်ယောက်ဟာ သူမကိုခြိမ်းခြောက်တဲ့သူကို ရှာဖွေဖို့ အွန်ထယ်ရဲ့ အသံလွှင့်ကလပ်ကိုဝင်လာရာမှ နှစ်ဦးကြားမှာ ဘယ်လိုသံယောဇဥ်တွေဖြစ်ပေါ်လာမလဲ။ ဟိုရမ်တစ်ယောက် စည်းကမ်းကြီးတဲ့ အွန်ထယ်ရဲ့ကလပ်မှာ နေရာရဖို့ ဘယ်လိုတွေကြိုးစားမလဲ။ ဟိုရမ်ရဲ့ လျှို့ဝှက်ချက်ကရော ဘာများလဲ။ Mail lead တွေရဲ့ ဇာတ်လမ်းအပြင် သူတို့သူငယ်ချင်းလေးတွေရဲ့ ကြည်နူးဖွယ်သံယောဇဥ်၊ ကျောင်းသားဘဝရဲ့ ပျော်ရွှင်မှု၊ လူငယ်ဘဝရဲ့ တက်ကြွတဲ့လှုပ်ရှားမှုလေးတွေကို မြင်တွေ့ရမယ့် ဇာတ်ကားလေးဖြစ်ပါတယ်။

အပတ်စဥ် GC ကနေ တင်ဆက်ပေးသွားမှာဖြစ်လို့ GC team နဲ့အတူ လိုက်ပါစီးမျောပေးကြပါဦး။

Translated by Faith,Ngal and YM