ဆိုက်ကိုပါစ့် အကြောင်းတွေကို စိတ်ဝင်စားတဲ့သူတွေ အတွက် ဆိုက်ကိုပါ့စ် တစ်ယောက်ဖြစ်တဲ့ မင်းသား Lee Joon Ki နဲ့ ဆိုက်ကိုပါစ့်နဲ့ပက်သက်တဲ့ အမှုတွေကို အသည်းအသန်လိုက်စုံစမ်းနေတဲ့ မင်းသမီး Moon Chae Won တို့နှစ်ယောက်ရဲ့ Drama ပါ။
ဇာတ်လမ်းကတော့ သည်းထိတ်ရင်ဖို လည်းဖြစ် အချစ်ဇာတ်လမ်းလည်းဖြစ်တဲ့ကားပါ။
လက်ထပ်ပြီးသား ဇနီးမောင်နှံနှစ်ယောက်အကြောင်းကို ရိုက်ကူးမှာဖြစ်ပါတယ်။
ခင်ပွန်းဖြစ်သူ Baek Hee-Sung (Lee Joon-Gi) က လက်မှုပညာသည်တစ်ယောက်ပါ။ ဇနီးနဲ့သမီးဖြစ်သူ ကို တော်တော်ချစ်သူတစ်ယောက် ၊ အများအမြင်မှာ ခင်ပွန်းကောင်းတစ်ယောက်ပါ။ဒါပေမဲ့ သူ့မှာ အတိတ်ဆိုးသမိုင်းဆိုးတွေနဲ့ ခန့်မှန်းရခက်တဲ့ ဆိုက်ကိုပါစ့် တစ်ယောက်ဖြစ်ပြီး လက်မထပ်ခင်မှာ သူ့ရဲ့နာမည်နဲ့ အချက်အလက်တွေကို အကုန် ပြောင်းလဲခဲ့ပါတယ်။
ဇနီးဖြစ်သူ Cha Ji-Won (Moon Chae-Won) ကတော့ ဆိုက်ကိုပါ့စ်တစ်ယောက်ရဲ့ နောက်ကြောင်းကို လိုက်နေတဲ့ စုံထောက်တစ်ယောက်ပါ။
Baek Hee Sung ကလည်း ဇနီးဖြစ်သူအပေါ် အကွက်ကျကျနဲ့ အတိတ်ဆိုးကို ဖုံးအုပ်ထားသူပါ။မင်းသမီး Cha Ji-Won ကယောက်ျားဖြစ်သူက သူအသည်းအသန် လိုက်စုံစမ်းနေခဲ့ရတဲ့ ဆိုက်ကိုတစ်ယောက်ဆိုတာ သိသွားပြီးတဲ့နောက်
ဆိုက်ကိုပါစ့်တိုင်းက လူသတ်တာ မဟုတ်တာကြောင့် ယောကျ်ားဖြစ်သူကကော တကယ်တရားခံဖြစ်နိူင်မလား။
ဆိုက်ကိုပါစ့်လို့ ယူဆထားတဲ့ ယောကျ်ားဖြစ်သူကကော ကိုယ်ချစ်တဲ့မိန်းကလေး က အနီးကပ်ကို မမြင်နိုင်အောင် ဘယ်လို အကွက်တွေရွှေ့ထားတာလဲ။
လျှို့ဝှက်ချက်တွေနဲ့ ပြည့်နေတဲ့ သူတို့နှစ်ယောက်ကြား တစ်ယောက်ကိုတစ်ယောက်လည်း အတော်ချစ်သလို အိမ်ထောင်သည်တွေလည်း ဖြစ်တာကြောင့် ကိုယ်ချစ်တဲ့လူက လူဆိုးတစ်ယောက်လည်းဖြစ်နေတဲ့ ယောက်ျားနဲ့ ဘယ်လိုတွေဆက်ဖြစ်ကြမလဲ ဆိုတာကိုတော့
tvN ကနေ 29 July မှာ ဗုဒ္ဓဟူးနေ့နဲ့ ကြာသပတေးနေ့တိုင်းမှာ ထုတ်လွှင့်ပြသသွားမှာပါ။ အပိုင်း ၁၆ ပိုင်းရှိမယ့် Thriller_Romance ကားပါ။
#GoldChannelTrendReview