A Beautiful Lie

“လှပတဲ့ မုသားနောက်ကွယ်မှာ စစ်မှန်တဲ့ ချစ်ခြင်းတရားတည်ရှိတယ်”

Hello ဒီတစ်ခါတော့ ပရိတ်သတ်ကြီးတို့ ‌ရာသီပူပူမှာ ရွှေရင်အေးစေဖို့ ရိုရိုချိုချို ဒေါက်တာကိုကိုနဲ့ ရွှေမင်းသမီးလေးတို့ရဲ့ မုသားသစ္စာ လှပရာ(𝐀 𝐁𝐞𝐚𝐮𝐭𝐢𝐟𝐮𝐥 𝐋𝐢𝐞) ဆိုတဲ့ တရုတ်အချစ်ဇာတ်လမ်းလေးကို တင်ဆက်ပေးမှာပဲဖြစ်ပါတယ်

ဒီကားလေးမှာဆိုရင်တော့ အလံနီလီချန်ရင် Chen Xing Xuနဲ့ ရွှေမင်းသမီးလေး မမZhang YuXi တို့က အဓိက ဇာတ်‌ဆောင်အဖြစ်ပါဝင်ထားတာဖြစ်ပြီး Wang Sen,Chen Hao Lan,Lin Xin Yi,Yang Bing Zhuo ,Zhao Xiao Su ,Li Mo Zhi တို့အပြင် တရုတ်နာမည်ကြီး သရုပ်ဆောင်များစွာ ပါဝင်သရုပ်ဆောင်ထားပါတယ်

တရုတ်ပြည် သဘာဝ‌ဘေးသင့်ဒေသကို ကယ်ဆယ်ရေးနဲ့ စေတနာ့အဖွဲ့တွေ သွားရောက်ရင်းနဲ့ မင်းသမီး ချင်ဖေနဲ့ဆရာဝန်လေးရှင်ကျီးကျီတို့ တွေ့ဆုံခဲ့ပါတယ် အစပိုင်းမှာတော့ ချင်ဖေကို လူတိုင်းက စိတ်ရင်းမှန်ဟုတ်မဟုတ် သံသယရှိနေကြပေမဲ့ နောက်ပိုင်း ချင်ဖေတစ်ယောက် အရေးပေါ်အခြေအနေမှာ အသက်ကို ပဓာနမထားဘဲ သူများတွေကို ကယ်ဆယ်ပေးခဲ့ပါတယ် ဒီလိုနဲ့ ရှင်ကျီးကျီဟာ ချင်ဖေရဲ့ ဇွဲနဲ့ ကြင်နာတတ်တဲ့စိတ်ကို အသိအမှတ်ပြုလိုက်ပြီး နှစ်ယောက်သား အဆင်ပြေစပြုလာရပါတယ်

တစ်ဖက်မှာလည်း ချင်ဖေတစ်ယောက် ဟိုးအရင်နှစ် အကပြိုင်ပွဲမတော်တဆမှုမှာ သူ့ကို ကယ်တင်ပေးခဲ့ပြီး သူ့ဘဝ မျှော်လင့်ချက်ကို ပြန်လည်ရှင်သန်စေခဲ့သူက ရှင်ကျီးကျီဆိုတာကို သိရှိသွားခဲ့တဲ့အခါ….

ကဲ ဆရာဝန်လေး ရှင်ကျီးကျီနဲ့ မင်းသမီးလေး ချင်ဖေတို့နှစ်ယောက်ကြား ဘယ်လိုဘယ်ပုံ သံယောဇဉ်တွေ အဆင့်တက်လာကြမှာလဲ

“ရှင်က အသက်ကို အသက်နဲ့ကယ်တင်တယ် ဘေးမသီရန်မခပြန်လာမယ်လို့ ကတိပေးထားတယ် ကျွန်မရှင်ပြောသမျှ စကားတိုင်းကိုယုံတယ် မုသားဆိုရင်တောင် နားထောင်လို့ကောင်းတယ်”
—-ချင်‌ဖေ—–

အတိတ်မှ အကြောင်းကြောင်း‌ကြောင့် ခွဲစိတ်ဓါးကို မကိုင်ဆောင်နိုင်တော့တဲ့ ရှင်ကျီးကျီတစ်ယောက် ချင်ဖေ၏ အားပေးမှုများနဲ့ စိတ်ဒဏ်ရာကို ဘယ်လိုကျော်လွှားသွားမလဲ….

ရှင်ကျီးကျီနဲ့ ချင်ဖေတို့ရဲ့ အချစ်ရေးကရော သာယာဖြောင့်ဖြူးပါ့မလား

မတူညီတဲ့ အလုပ်တာဝန်တွေကြားက သူတို့နှစ်ဦး ဘယ်လို ချစ်ကြိုးသွယ်ရင်း အခက်အခဲတွေကို ‌ဖြ‌တ်ကျော်သွားမှာလဲဆိုတာ မုသားသစ္စာ လှပရာ(𝐀 𝐁𝐞𝐚𝐮𝐭𝐢𝐟𝐮𝐥 𝐋𝐢𝐞) ဆိုတဲ့ ဇာတ်လမ်းလေးမှာ ဇာတ်ဆောင်တွေနဲ့တစ်သားတည်း စီးမျောခံစားကြည့်ရှုလိုက်ပါစို့နော်

Reviewed by Feyremme
Translated by GC Chinese Team 2
Encoded by Kaung Khant Zaw