Kill Me Love Me

အမုန်းဖြင့်ပွင့်လန်း နွေဦးပန်းငယ် (𝐊𝐢𝐥𝐥 𝐌𝐞 𝐋𝐨𝐯𝐞 𝐌𝐞)

နွေဦးပန်းလို ပွင့်လန်းလိုပေမဲ့ ရွှံ့အိုင်ထဲက ဖားပမာရှင်သန်နေရတဲ့ မိန်းကလေးတစ်ယောက် လူ့အသက်ကို ကျားစေ့ပမာ သဘောထားသူ‌ကိုမှ ချစ်မိသွားတဲ့အခါ….

Hello Hello အလံနီကားမှ အလံနီကားဆိုပြီး အလံနီကားတွေကို နှစ်သက်ကြတဲ့ GCverse တို့အတွက် ဒီတစ်ခါမှာတော့ စတင်ရိုက်ကူးကတည်းက မျှော်တလင့်လင့် စောင့်စားနေခဲ့ရတဲ့ အမုန်းဖြင့်ပွင့်လန်း နွေဦးပန်းငယ် (𝐊𝐢𝐥𝐥 𝐌𝐞 𝐋𝐨𝐯𝐞 𝐌𝐞) ဆိုတဲ့ တရုတ်ဇာတ်လမ်းလေးကို တင်ဆက်ပေးသွားတော့မှာပဲ ဖြစ်ပါတယ်ရှင်

ဒီကားလေးကဆိုရင်တော့ နာမည်တူဝတ္ထုကို ပြန်လည်ရိုက်ကူးထားတာဖြစ်ပြီးတော့ သရုပ်ဆောင်တွေကလည်း
သရုပ်ဆောင်ပိုင်းဆိုင်ရာမှာ နာမည်ကျော်ကြားကြတဲ့ နှင်းဆီခိုင်လေး,𝗟𝗶𝘂 𝗫𝘂𝗲 𝗬𝗶,မမ𝗪𝘂 𝗝𝗶𝗻 𝗬𝗮𝗻 ,𝗕𝗶 𝗪𝗲𝗻 𝗝𝘂𝗻 ,𝗭𝗵𝗮𝗼 𝗫𝗶𝗮𝗼 𝗧𝗮𝗻𝗴 တို့အပြင် ထိုင်ဝမ် ဝါရင့်မင်းသားကြီး𝗕𝗮𝗿𝗼𝗻 𝗖𝗵𝗲𝗻ပါ ပါဝင်သရုပ်ဆောင်ထားပြီးတော့ တခြား နာမည်ကြီးသရုပ်ဆောင်များစွာလည်း ပါဝင်သရုပ်ဆောင်ထားပါသေးတယါ

လူတစ်ယောက် အသက်ရှင်သန်ဖို့အတွက် ဘာတွေလုပ်နိုင်သလဲ…
မိန်လင်ဆိုတဲ့ မိန်းကလေးကတော့
သူ့ခန္ဓာကိုယ်နဲ့ ဂုဏ်သိက္ခာအပါအဝင် အရာအားလုံးကို စွန့်လွှတ်လိုတဲ့ မိန်းကလေး‌တစ်ဦးပါ..

ဇာတ်လမ်းအကျဥ်း~
သာ့ယန်ပြည်ရဲ့ တတိယမင်းသား မုရုံကျင်ဟယ်ဟာ ဝေးပေတပ်ကိုဦးဆောင်ပြီး ဆုံးရှုံးသွားတဲ့ချင်းကျိုးကို ပြန်လည်သိမ်းယူဖို့ရာ စစ်ချီခဲ့ပါတယ် သူ့ရဲ့ချင်းကျိုးအောင်ပွဲဟာ ဂုဏ်ကျက်သရေတင့်တယ်တဲ့ အောင်ပွဲဖြစ်သင့်ပေမဲ့ ဝေးပေတပ်တော် ချင်းကျိုးမြို့ထဲဝင်ရောက်စဉ်မှာပဲ ထူးဆန်းစွာ မီးလောင်ပေါက်ကွဲမှုကြီးဖြစ်ခဲ့ပြီး မီးပင်လယ်ဝေခဲ့ရပါတယ်။ ဒီလိုနဲ့ မုရုံကျင်ဟယ်က “လူသတ်စစ်သူကြီး”ဖြစ်ပြီး ချင်းကျိုးကို မီးရှို့ဖို့ စစ်သည်တွေကို အမိန့်ပေးခဲ့တယ်ဆိုပြီး ကောလာဟလတွေ ပျံ့နှံ့ခဲ့ပါတော့တယ် မုရုံကျင်ဟယ်ဟာလည်း စစ်သည်တွေကို ဆုံးရှုံးလိုက်ရပြီး သူကိုယ်တိုင် ခန္ဓာကိုယ်ထိခိုက်လို့ ဘီးတပ်ကုလားထိုင်နဲ့ သွားလာနေရပါတော့တယ်…..

ဒါပေမဲ့လည်း တစ်ဖက်မှာတော့ မုရုံကျင်ဟယ်ဟာ လျှို့ဝှက်စံအိမ်တစ်ခုတည်ထောင်ကာ ချင်းကျိုးတိုက်ပွဲအတွင်း မတရားသေဆုံးခဲ့တဲ့ ဝေးပေတပ်စစ်သည်တွေအတွက် အမှန်တရားကို တစိုက်မတ်မတ် လိုက်ရှာနေခဲ့ပါ‌တယ်

ချင်းကျိုးမီးလျှံအတွင်းမှာ မိန်လင်ဆိုတဲ့ မိန်းကလေးဟာ ချစ်ရသူမိသားစုတွေကို ဆုံးရှုံးလိုက်ရပြီးတော့ ဒီလိုဖြစ်ရပ်ကို ကျူးလွန်သူကို လက်စားချေမယ်လို့ စိတ်ဆုံးဖြတ်ခဲ့ပါတယ် မိန်လင်ဟာ လျှို့ဝှက်စံအိမ်ဆီဝင်ရောက်ခဲ့ပြီး မဟူရာသွေးကြောအဆိပ်ကို သောက်သုံးကာ စစ်သည်တစ်ဦးဖြစ်လာခဲ့ပါတယ်

နှစ်ပေါင်းများစွာ ရက်စက်ကြမ်းကြုတ်စွာ လေ့ကျင့်မှုအပြီးမှာတော့ သူဟာ ပထမဆုံး လုပ်ကြံသတ်ဖြတ်ရေးတာဝန်ကို စတင်လုပ်ဆောင်ဖို့ တာဝန်ပေးခံရပြီးတော့ အဲဒီ တာဝန်ကတော့ သူ နေ့နေ့ညည သတ်ပစ်ချင်နေတဲ့ သာ့ယန်ရဲ့ မင်းသားမုရုံကျင်ဟယ်ကို သတ်ရမဲ့တာဝန် ဖြစ်နေတဲ့အခါ……
ဒီလိုနဲ့ ‌မိန်လင်ဟာ သာ့ယန်နဲ့ ထိမ်းမြားမဲ့ မင်းသမီးအဖွဲ့ထဲက မိန်းမပျိုအဖြစ် ရောနှောဝင်ရောက်ရင်းကနေ နောက်ဆုံး မုရုံကျင်ဟယ်နဘေးကို ရောက်ရှိသွားရင်း အချိန်ကြာလာတာနဲ့အမျှ သူလက်တုံ့ပြန်ရမဲ့ မုရုံကျင်ဟယ်ကိုမှ ချစ်မိသွားတဲ့အခါမှာတော့……

ချစ်မိရင်းကနေပဲ မုရုံကျင်ဟယ်အနားကနေ ထွက်သွားလိုတဲ့မိန်လင်တစ်ယောက် သေဟန်ဆောင်ပြီး ပျောက်ကွယ်သွားတဲ့အခါမှာတော့ မုရုံကျင်ဟယ်တစ်ယောက် သူချစ်ရသူက မိန်လင်ဆိုတာကို သဘောပေါက်ပြီး ယူကြုံးမရစွာနဲ့ နောင်တတပွေ့ကြီးနဲ့ ကျန်ရစ်နေခဲ့ရင်း မိန်လင်ကို လိုက်ရှာခဲ့ပါတော့တယ်

ကဲ…ရှိစဉ်အခါက နှိပ်စက်ညှဉ်းပန်းခဲ့ပြီး မရှိတော့မှ တောင့်တနေသူ မုရုံကျင်ဟယ်တစ်ယောက် မိန်လင်ကို ပြန်ရှာလို့ တွေ့မှာလား

မိန်လင်ကို မုရုံကျင်ဟယ်ကို သတ်ဖို့အမိန့်ပေးခဲ့သူ လျှို့ဝှက်စံအိမ်သခင်က ဘယ်သူဖြစ်မလဲ

ချင်းကျိုးမြို့ မီးလောင်မှု နောက်ကွယ်ကတရားခံကရော ဘယ်သူများဖြစ်မလဲ

မုရုံကျင်ဟယ်က တကယ်ပဲ ဒုက္ခိတဟုတ်ရဲ့လား သူရှာဖွေချင်တဲ့ အမှန်တရားကိုရောရှာတွေ့သွားမှာလား စသည်ဖြင့် နန်းတွင်းအရှုပ်တော်ပုံ ပဟေဠိများစွာကြားကနေ ဖူးပွင့်လာတဲ့ နွေဦးပန်းလေးမိန်လင်နဲ့ မင်းသားမုရုံကျင်ဟယ်တို့ရဲ့ အချစ်ဇာတ်လမ်းလေး အမုန်းဖြင့်ပွင့်လန်း နွေဦးပန်းငယ် (𝐊𝐢𝐥𝐥 𝐌𝐞 𝐋𝐨𝐯𝐞 𝐌𝐞)ဇာတ်လမ်းလေးကို GC Drama ကနေ တင်ဆက်ပေးတော့မှာဖြစ်လို့ စောင့်မျှော်ကြည့်ရှု အားပေးကြပါဦးနော်

Reviewed by Feyremme
Translated by GC Chinese Team 1
Encoded by Feng

#အမုန်းဖြင့်ပွင့်လန်းနွေဦးပန်းငယ်
#KillMeLoveMe
#GC_DRAMA