Home Sweet Home Alone (2021)

ခရစ်စမတ်နားနီးပြီဆိုရင် Home Alone ဇာတ်ကားကို အမြဲလိုကြည့်ဖြစ်ကြတယ်မို့လား အခုကတော့ ဒီနှစ်အတွက် ကြည့်စရာ တစ်ကားတိုးလာပါပြီ ဒီကားကတော့ Home Alone နဲ့ခပ်ဆင်ဆင်ကားမျိုးပါပဲ

ဇာတ်လမ်းအကျဉ်းလေးကတော့ အိမ်ဝင်ငွေကိုမိန်းမတစ်ယောက်တည်းလစာနဲ့ထမ်းထားရတဲ့လင်မယားနှစ်ယောက်ဟာ အိမ်ကကလေးတွေကိုအသိမပေးပဲ အိမ်ရောင်းဖို့ကြိုးစားကြပါတယ် တစ်ရက်မှာတော့ မက်စ်ဆိုတဲ့ကလေးနဲ့သူ့အမေဟာ သူ့သားရှူးအရမ်းပေါက်ချင်နေတာကြောင့် အိမ်ဝယ်ချင်ယောင်ဆောင်ပြီး ရှူးဝင်ပေါက်ကြပါတယ် အဲ့မှာပဲ အိမ်ရှင်ဂျက်ဖ်ရဲ့အမေကပေးခဲ့တဲ့အရုပ်လေးတွေကိုတွေ့ပြီး စကားပြောဖြစ်ကြပါတယ် စကားပြောရတာလည်း သိပ်အမြီးအမြောက်မတည့်ပဲနဲ့ ရှူးပေါက်ပြီးပြီဆိုတော့ အိမ်ပြန်လာကြပါရော

မက်စ်ကလေးဟာ အိမ်မှာ ဝမ်းကွဲတွေတစ်လှေကြီးနဲ့နေရတာကို စိတ်ပျက်ပြီး စိတ်ဆင်းရဲနေတဲ့ကလေးတစ်ယောက်ပေါ့ အိမ်မှာတစ်ယောက်တည်းနေရဖို့ကိုဆုတောင်းနေခဲ့ရာက မိသားစုတစ်စုလုံးခရီးသွားမယ့်ခရီးမှာ သူတစ်ယောက်တည်းကျန်နေခဲ့ပါတော့တယ် အဲ့အချိန် အိမ်ရှင်ဂျက်ဖ်တစ်ယောက်ဟာ သူ့အမေပေးခဲ့တဲ့အရုပ်ပျောက်သွားလို့ မက်စ်ယူသွားတာသေချာတယ်ဆိုပြီး မက်စ်အိမ်ကိုလိုက်ရှာရင်း အရုပ်ပြန်ရဖို့ကြိုးစားပါတော့တယ်

မတော်တဆနဲ့အိမ်သော့လည်းရပြီး သူ့မိန်းမကိုခေါ်ပြီးအိမ်ထဲဝင်တဲ့အခါ အိမ်ထဲမှာကျန်နေခဲ့တဲ့ မက်စ်နဲ့တွေ့ပြီး ဘာတွေဖြစ်ကြမှာလဲဆိုတာကတော့ ကိုယ့်ဘာသာဒေါင်းပြီးကြည့်လိုက်ပါတော့နော် ရယ်လည်းရယ်ရ ခရစ်စမတ်ရဲ့အရသာလေးကိုလည်းမြည်းရမှာမို့ ကြည့်သင့်တဲ့အမေရိကန်ကားလေးတစ်ကားပါလို့ အကြံပြုလိုက်ပါတယ်နော်

Review by Fliex
Translated by Fliex, ZZZ, Phyu Sin& Maymie Kyaw