Waiting for the Barbarians (2019)

Waiting for the Barbarians (2019)
=============================

နိုဘယ်ဆုရာစာ​ရေးဆရာကြီး J. M. Coetzee ရဲ့ Waiting for the Barbarians စာအုပ်က ၁၉၈၀ ​နှစ်ကုန်ပိုင်းမှာ ထွက်ရှိလာခဲ့ပါတယ်။ ဒီစာအုပ်ကိုအ​ခြေခံပြီး​တော့ ဒါရိုက်တာ Ciro Guerra က သူ့ရဲ့​ ရုပ်ရှင်​ကောင်း​တွေထဲကတစ်ကားဖြစ်​အောင် ဖန်တီးခဲ့ပါတယ်။ ဒီကားက Ciro Guerra အတွက် ပထမဆုံး English စကား​ပြောကားလဲဖြစ်ပါတယ်။

Waiting for the Barbarians ရုပ်ရှင်ကို​တော့ 2019 ခုနှစ် September 6 ရက်​နေ့မှာ Venice Film Festival မှာ စတင်အကြိုပွဲဦးထွက်ခဲ့ပါတယ်။ 2020 August 7 ရက်​နေ့မှသာ တကယ်တမ်းထွက်ရှိလာခဲ့တာဖြစ်ပါတယ်။

ဇာတ်လမ်း​လေးက​တော့ M​agistrate က သဲကန္တာရလို​နေရာမျိုးမှာ တာဝန်ကျပါတယ်။ တစ်​နေ့ကျတော့ နိုင်ငံခြားသား နှစ်​ယောက်က စခန်းထဲကို ခိုးဝင်လာပြီး သိုး​တွေခိုးပါ​တော့တယ်။ အဲ့ဒီကိစ္စကို အ​ထက်ကသိသွားပြီး Colonel Joll ကို လွှတ်​လိုက်ပါတယ်။ Colonel Joll ရဲ့ စစ်​ဆေး​မေးမြန်းချက်​တွေက ပြင်းထန်လွန်းတဲ့အတွက် ခိုးဝင်သူနှစ်​ယောက်ထဲက တစ်​ယောက်ကလဲ အသက်ဆုံးရှုံးသွားရပါတယ်။

ဒီလိုအပြုအမူ​တွေ​ကြောင့်လဲ Magistrate နဲ့ Colonel Joll ​တို့က သိပ်ပြီး​တော့ မကြည်ချင်ကြပါဘူး။ Colonel Joll ရဲ့ စစ်​မေးချက်​တွေ​​ကြောင့် မ​သေပဲကျန်ခဲ့တဲ့​ကောင်​လေးဆီက​နေ Barbarians ​တွေ ဒီကိုလာတိုက်မယ်ဆိုတာကို သိသွားရပါတယ်။ အဲ့ဒီမှာပဲ Colonel Joll က အတင်းအကြပ်ပို့​ဆောင်ခိုင်းပြီး အမျိုးသမီး​တွေနဲ့ အသက်ကြီးတဲ့ ​ယောကျ်ားကြီး​တွေကို သုံ့ပန်းအ​နေနဲ့ဖမ်း​ခေါ်လာပါတယ်။

​နောက်တစ်ရက် Colonel Joll ပြန်တာနဲ့ စိတ်သ​ဘောထား​ကောင်းတဲ့ Magistrate က​လဲ ချက်ချင်းသုံ့ပန်း​တွေအားလုံးကို ပြန်လွှတ်​ပေးလိုက်ပါတယ်။ လအနည်းငယ်ကြာ​တော့ အဲ့ဒီသုံ့ပန်း​​တွေထဲက ဒဏ်ရာရ​နေတဲ့အမျိုးသမီးတစ်​ယောက်ကို Magistrate က​တွေ့သွားပါတယ်။ စိတ်ထားပြည့်ဝတဲ့ Magistrate က ဒဏ်ရာ​တွေကို ကုသဖို့နဲ့ အစားအ​သောက် ​နေစရာတို့ကိုစီစဥ်​ပေးပါတယ်။ ရိုးရိုး​လေးပဲ ကြင်နာလိုက်တဲ့ အပြုအမူကို စစ်သား​တွေက Magistrate တစ်​ယောက် ဒီအမျိုးသမီးကို တဏှာစိတ်နဲ့လုပ်​ပေးပါတယ်ဆိုပြီး ဟိုဟိုဒီဒီ​တွေ​ပြောကြပါ​ရော။

Colonel Joll ​နေရာမှာ သရုပ်​ဆောင်တာက​တော့ ကျွန်​တော်တို့​တွေ အရမ်းသ​ဘောကျခဲ့ရတဲ့ အများက​ဂျက်စပဲရိုးလို့​ခေါ်ကြတဲ့ မင်းသားကြီး Johnny Depp ဖြစ်ပါတယ်။ Johnny Depp ဟာလဲ လတ်တ​​လောမှာ ဇနီး​ဟောင်း Amber Heard ကို ကိုယ်ထိ​လက်​ရောက်​စော်ကားတဲ့အတွက်​ကြောင့်လဲ ရုံး​တော်မှာရင်ဆိုင်​နေရတာဖြစ်ပါတယ်။ ကျွန်​တော်တို့ ​တွေ့ရသ​လောက်က​တော့ Amber Heard မှာ ဘာဒဏ်ရာဒဏ်ချက်မှမရှိပဲ Johnny Depp ကိုပဲ ဒဏ်ရာမျိုးစုံနဲ့ ​တွေ့မြင်​နေရတာပါ။

Magistrate ​နေရာမှာ သရုပ်​​ဆောင်တာက​တော့ Tom Hanks ရဲ့ Bridges of Spies ဇာတ်ကားမှာ ​​အ​ကောင်းဆုံးဇာတ်ပို့ဆုအဖြစ်လဲ ​အော်စကာရထားတဲ့ Mark Rylance ပဲဖြစ်ပါတယ်။ ​နောက်ထပ်တစ်​ယောက်အ​နေနဲ့က​တော့ Twilight ဇာတ်ကား​တွေနဲ့ နာမည်ရလာတဲ့ မင်းသား Robert Pattinson ပဲဖြစ်ပါတယ်။ Robert က​တော့ Colonel Joll မရှိတဲ့အချိန်မှာ Colonel Joll ရဲ့တာဝန်ကို ယူထားတဲ့ ​နေရာမှာပါဝင်တာဖြစ်ပါတယ်။ Robert က​တော့ နှစ်တိုင်းဇာတ်ကား​တွေရှိ​နေတဲ့အတိုင်းပဲ ဒီနှစ်မှာလဲ Telnet ဆိုတဲ့တစ်ကားထွက်ရှိဖို့ ရှိ​နေပါ​သေးတယ်။ The Batman ဇာတ်ကားကိုလဲ ရိုက်ကူး​နေဆဲဖြစ်ပါတယ်။

​ကဲ​ပြောတာ​​တွေလဲ များပြီဆို​တော့ ဒီ​နေရာ​လေးမှာရပ်လိုက်ပြီး​တော့ အခုလို မင်းသားကြီး​တွေလာ ဆုံ​နေတဲ့ Waiting for the Barbarians ဇာတ်ကားကို မင်းသားကြိုက်လို့ပဲ ဖြစ်​စေ ဇာတ်ကားအ​ကြောင်း​လေးကို သ​ဘောကျလို့ပဲဖြစ်​စေ ကြည့်​ပေးကြဖို့ တိုက်တွန်းလိုက်ပါတယ်။

Review by Aung Htoo Khaing
Translated by Thu Nay Nay
Encoded by MgKyaw
Quality – Web-DL
Size – 1GB / 400MB
IMDB – 5.9
Genres – Drama
Run Time – 1 Hr 52 mins

***Gold Channel – GC*** Page အသစ်ဖွင့်ထားပါတယ်။ Download လုပ်ရတာအဆင်မပြေတဲ့လူတွေ အနေနဲ့ ကျွန်တော်တို့ Application လေးကို Gold Channel – GC Page ရဲ့ Messenger မှာ Application Download Link , Username နဲ့ Password တို့ကို လာတောင်းလို့ရပါတယ်နော်