The Boss Baby: Family Business (2021)

The Boss Baby: Family Business (2021)
======================================
အားလုံးစောင့်မျှော်နေကြတဲ့ Boss Baby ကားလေးဟာ အခုတော့ ထွက်ရှိလို့လာခဲ့ပါပြီ။ အရင်ရှေ့ကားမှာတော့ ဘော့စ်ဘေဘီနဲ့ တင်မ်တို့ရဲ့ကလေးဘဝမှာ ဘော့စ်ဘေဘီက မစ်ရှင်တစ်ခုကိုထမ်းဆောင်ဖို့အတွက် တင်မ်တို့မိသားစုထဲကို ဝင်လာရာကနေ နောက်ဆုံးမှာတော့ မိသားစုဝင်တွေဖြစ်သွားခဲ့ကြတော့ပေါ့။ အခုနောက်ထွက်တဲ့ ဇာတ်ကားလေးမှာတော့ တင်မ်နဲ့ဘော့စ်ဘေဘီတို့ရဲ့ အရွယ်ရောက်လာတဲ့ဘဝအကြောင်းကို ရိုက်ကူးထားတာပဲ ဖြစ်ပါတယ်။

အရွယ်ရောက်လာပြီးနောက်ပိုင်းမှာ တင်မ်ကတော့ အိမ်ထောင်ကျပြီး သမီးလေးနှစ်ယောက်ရခဲ့ပေမယ့် တက်ဒ်(အရင်ဘော့စ်ဘေဘီ)ကတော့ တစ်ကိုယ်တည်းသမား အောင်မြင်တဲ့ စီးပွားရေးလုပ်ငန်းရှင်တစ်ယောက်ပေါ့။ တစ်နေ့တော့တင်မ်တစ်ယောက် သမီးအငယ်ဆုံးလေးအခန်းထဲက အသံတွေကြားလို့ သွားကြည့်လိုက်တော့ စကားမပြောတတ်သေးတဲ့သူ့သမီးလေးက စကားတွေပြောနေတာကို တွေ့လိုက်ရပါတယ်။

အဲဒါနဲ့ သူ့သမီးလေးနဲ့ စကားပြောကြည့်ရာကနေ သူလည်း ဘေဘီကော်ပိုရေးရှင်းကနေ မစ်ရှင်တစ်ခုကြောင့် ရောက်လာတယ်ဆိုတာကို သိလိုက်ရပါတယ်။ အဲဒါနဲ့ သူတို့နှစ်ယောက် တက်ဒ်(အရင်ဘော့စ်ဘေဘီ)ကို ဒီအကြောင်း ပြောပြလိုက်ပြီးတော့ သူတို့သုံးယောက်ပေါင်းပြီး မစ်ရှင်ကိုဖြေရှင်းဖို့ ကြိုးစားကြပါတော့တယ်။ ဒီတစ်ခေါက်မှာတော့ ဘေဘီကော်ပိုရေးရှင်းက ထမ်းဆောင်ခိုင်းလိုက်တဲ့မစ်ရှင်ကဘာလဲ။ သူတို့သုံးယောက်ကကော ဒီမစ်ရှင်ကို အောင်မြင်အောင်ထမ်းဆောင်နိုင်မှာလား။ မစ်ရှင်ထမ်းဆောင်ရင်း သူတို့သုံးယောက်ရဲ့ ဟာသဆန်ဆန်အလွဲလေးတွေကိုလည်း တွေ့မြင်ရမှာဖြစ်ပါတယ်။ ‌ကြည့်ရှုအားပေးလိုက်ကြပါဦးနော်။

Review by Winter
Translated by Lai Laii, Winter, Cherry Mon & Aye Phyo Mon

* Application မှာလည်း ကြည့်လို့ရပါပြီ *
Google Play Store Link – https://play.google.com/store/apps/details?id=com.yeyint.goldchannelrework

Apk Pure Link – https://apkpure.com/gold-channel/com.gc.movies11

=======================