AI Love You

AI Love You (2022)

============

ခေတ်ကြီးဟာ တဖြည်းဖြည်းတိုးတက်လာတာနဲ့အတူ ဒီဇာတ်ကားလေးမှာတော့ စက်ရုပ်တွေ AIတွေဟာ လူသားတွေကို အရာရာမှာကူညီပေးနိုင်တဲ့အရာတစ်ခုအဖြစ် ဇာတ်အိမ်တည်ဖော်ပြထားပါတယ်
အဆောက်အဦးတွေကိုလည်း AIတွေနဲ့တည်ဆောက်ထားပြီး လူတွေလိုပဲ စကားပြောဆိုဆက်သွယ်နိုင်အောင်ပြုလုပ်ထားပါတယ်

ကုမ္ပဏီတစ်ခုရဲ့ Advertising Teamမှာအလုပ်လုပ်တဲ့ Lanaဟာ ယောက်ျားတွေ တစ်ယောက်ပြီးတစ်ယောက်နဲ့Dateလုပ်ကြည့်ခဲ့ပေမယ့် ဘယ်သူဆိုဘယ်သူနဲ့မှအဆင်မပြေခဲ့တဲ့ အ‌ချစ်ရေးကံခေသူကြီးရယ်ပါ သို့ပေမယ့် အဆင်မပြေချိန်တိုင်း Lanaရဲ့ဘေးမှာ သူငယ်ချင်းအဖြစ် ရင်ဖွင့်ဖော်အကြံပေးဖော်အဖြစ်ရှိနေတတ်သူကတော့ အဆောက်အဦးကို ပရိုဂရမ်အဖြစ်Runထားတဲ့ AIတစ်ဖြစ်လည်း Dobဖြစ်ပါတယ် AIလေးDobဟာ လူသားဖြစ်တဲ့Lanaအပေါ် တစ်ဖက်သတ်ကြိုက်နေသူပါ

Lanaဟာ တစ်ယောက်ပြီးတစ်ယောက်ဒိတ်ကြည့်လာရင်း တစ်နေ့မှာ Bobနဲ့သွားဒိတ်ရပါတယ် ဒါပေမဲ့ Bobနဲ့လည်းအဆင်မပြေခဲ့ဘဲ Bobကိုကြည့်မရခြင်းနဲ့ပဲ Lanaတစ်ယောက်အဆုံးသတ်ခဲ့ရပါတယ်

ဒီလိုနဲ့ပဲနေလာရင်းက တစ်နေ့မှာတော့ AIလေးယွင်းနေတယ်ဆိုပြီး အဆောက်အဦးအင်ဂျင်နီယာတစ်ယောက်က Bobကိုပြင်ခိုင်းပါတော့တယ် Dobကိုလာပြင်တဲ့Bobဟာ ပြင်နေရင်းနဲ့ Dobတစ်ယောက် Lanaကိုတစ်ဖက်သတ်ကြိတ်ကြိုက်နေမှန်းသိသွားခဲ့ပါတယ်

AIဟာ လူတစ်ယောက်ကိုချစ်မိသွားတဲ့အကြောင်းကို ရိုက်ကူးပြသထားတာဖြစ်ပြီး Bobသိသွားပြီးတဲ့နောက် ဘယ်လိုတွေခရီးဆက်ကြမလဲဆိုတာကို ဟာသလေးနှောရိုက်ကူးထားတဲ့သိပ္ပံခေတ်လွန်ကားကောင်းလေးပဲဖြစ်ပါတယ်

ဇာတ်ဆောင်တွေအနေနဲ့လည်း လူတိုင်းအသည်းစွဲ A Little Thing Called Loveရဲ့ချစ်စရာDuoဖြစ်တဲ့ Mario Maurerနဲ့ Baifernတို့ကသရုပ်ဆောင်ပေးထားတာမို့ Chemistryမိမမိကတော့ ညွှန်းနေစရာလိုမယ်မထင်ပါဘူး

ကဲ ဇာတ်ကားလေးထဲပဲ ဆက်ကြည့်ပေးကြပါဦးခင်ဗျာ

Translated by Zac, Karine, Jerry

Reviewed by Zac