The Dropout (2022)

ကမ္ဘာ့အသက်အငယ်ဆုံး စွန့်ဦးတီထွင်သူဘီလီယံနာ၊ Steve Jobs, Bill Gates တို့နဲ့ နှိုင်းယှဉ်ရလောက်တဲ့အထိ အရည်အချင်းရှိ ထက်မြက်တဲ့ အမျိုးသမီး CEO၊ ဆေးလောကရဲ့ Breakthrough technologyကို တီထွင်နိုင်ခဲ့တဲ့မိနိူကလေးတစ်ယောက် ဒီလိုဂုဏ်ပုဒ်တွေအားလုံး နေ့ချင်းည‌ချင်း ပျောက်ကွယ်သွားပြီး စာနာစိတ်မရှိတဲ့လူ လူယုတ်မာ လူသတ်သမား လူလိမ်မဆိုတဲ့အဖြစ် တစ်မဟုတ်ချင်း ပြောင်းသွားတာမျိုး လက်တွေ့မှာ တကယ်ရှိတယ်ဆို သင်ယုံကြည်နိုင်မှာလား။ ဒီလိုနေ့ချင်းညချင်း ရွှေဘုံစံဘဝက‌နေ ပြာပုံဘဝကို ချက်ချင်းဖြုတ်ချခံလိုက်ရတဲ့ ဟိုးလေးတကျော်ဖြစ်ရပ်လေးကို သိချင်ရင်တော့ Dropout ဆိုတဲ့ ဒီစီးရီးလေးကို ကြည့်ရှုဖို့ ဖိတ်ခေါ်လိုက်ပါရစေ။

ငယ်ငယ်ထဲက ကာကွယ်ဆေးထိုးရာကစလို့ အပ်တွေနဲ့ရင်းနှီးခဲ့ရပေမယ့် ဒီကမ္ဘာမှာ အသားနာမှာမကြောက်တဲ့လူရယ်လို့ မရှိပါဘူး။ (သတ္တိရှိတဲ့ တိုတိုတွေကို မပြောဘူးနော်🤪) ဒါပေမဲ့လည်း ကျန်းမာရေးစစ်ဆေးမှု ရောဂါရှာဖွေရေးမှာ သွေးစစ်ဆေးမှုဟာ အက္ခရာဖြစ်နေတော့လည်း ဒီအပ်ကိုမရှောင်လွဲနိုင်သလို ဓာတ်ခွဲခန်းလူတွေကလည်း သွေးကတစ်ဆင့်ကူးစက်တဲ့ရောဂါတွေရဲ့ လက်တကမ်းအလိုမှာပေါ့။ ဒီဒုက္ခအားလုံးရဲ့ကယ်တင်ရှင်ကတော့ Theranosဆိုတဲ့ ကုမ္ပဏီပါပဲ။

သွေးတစ်စက်နဲ့ ပြဿနာအားလုံးဖြေရှင်းမယ့် စစ်ဆေးနေကြရောဂါတွေကို စစ်ဆေးနိုင်မယ့် နည်းပညာမြင့်မားတဲ့စက်တွေ ဖန်တီးထားတယ်ဆိုတဲ့ Theranosကုမ္ပဏီဟာ ၂၀၁၃-၁၄ အထိတော့ လူတွေရဲ့အသဲစွဲဖြစ်ပြီး Elizabeth Holmesလည်း Celebrityဖြစ်နေတယ်ဆိုရင် မမှားပါဘူး။ Retailမှာ Amazon, Cell phoneမှာ Apple, Healthcareမှာ Theranosလို့ ပြောကြတဲ့အထိပါပဲ။

ဒါပေမဲ့ Elizabeth Holmesရဲ့ အခိုင်အမာပြောဆိုချက်အားလုံးဟာ အလိမ်အညာတွေဖြစ်နေကြောင်း အစဆွဲထုတ်မယ့်လူပေါ်လာတာနဲ့အတူ Theranosကုမ္ပဏီရဲ့ကံကြမ္မာက ဘယ်လိုဖြစ်သွားမလဲဆိုတာကို Biographyပုံစံ ရိုက်ကူးထားတာဖြစ်လို့ သင် ၂၀၁၅-၂၀၁၈ မှာ ဒီအကြောင်းအရာတွေကို မသိလိုက်ရပါဘူးဆိုရင် ဘယ်လိုနည်းပညာ ဘယ်လိုအကြောင်းအရာတွေရဲ့ လှည့်စားမှုအောက်မှာ လူတွေကျရှုံးခဲ့ရတာလည်းဆိုတာ စိတ်ဝင်စားသူတွေအတွက် ကြည့်ရှုသင့်တဲ့ ဇာတ်လမ်းကောင်းတစ်ပုဒ်ဖြစ်လို့ အခုပဲကြည့်ရှုဖို့ ညွှန်းပေးလိုက်ပါတယ်နော်။

Review by MaryChrist
Translated by MaryChrist, C’mon, Sunny & Monn

Application ဖြင့်လည်း ကြည့်ရှုနိုင်ပါပြီ

App Download Link > https://play.google.com/store/apps/details?id=com.goldchannel.app