Scam 1992 – The Harshad Mehta Story (2020)

Scam 1992 ( 2020 )
=========================

Stock Broker ဆိုတဲ့ စကားလုံး​လေးကို လူ​တော်​တော်များများက အဓိပ္ပါယ်မသိကြ​ပေမဲ့ မင်းသားကြီး လီယိုနာဒိုရဲ့ The Wolf of Wall Street ဆိုတဲ့ ဇာတ်ကားကို​တော့ သိကြမှာပါ။ လီယိုနာဒိုက The Wolf of Wall Street မှာ နာမည်ကြီး Stock Brocker အဖြစ်နဲ့ သရုပ်​​ဆောင်ထားတာဖြစ်ပါတယ်။ ဒီ​လောက်ဆိုရင်​တော့ Stock Broker ဆိုတာက ဘယ်လိုပုံစံလဲဆိုတာ သိ​လောက်ကြပြီထင်ပါတယ်။

ဇာတ်လမ်း​လေး ဘက်ကို သွားရ​အောင်။ ဒီဇာတ်ကားက​တော့ The Scam: Who Won, who Lost, who Got Away ဆိုတဲ့ ၁၉၉၃ခုနှစ်မှာ ထုတ်​ဝေခဲ့တဲ့ စာအုပ်​လေးကို အ​ခြေခံပြီး ရိုက်ကူးထားတာပဲဖြစ်ပါတယ်။ ဒီစာအုပ်ကလဲ ၁၉၉၂ မှာ တကယ်ဖြစ်ခဲ့တဲ့ အဖြစ်အပျက်​တွေကိုပဲ အ​ခြေခံပြီး​တော့ ​ရေးထားတာဖြစ်ပါတယ်။

ဘယ်လိုအဖြစ်အပျက်လဲဆို​တော့ ၁၉၉၂ ခုနှစ် အိန္ဒိယနိုင်ငံမှာ Harahad Mehta ဆိုတဲ့ နာမည်ကြီး Stock Broker တစ်​ယောက်ရှိခဲ့တယ်။ သူက အိန္ဒိယစ​တော့​စျေးကွက်မှာ အကြီးမားဆုံး​သော လိမ်လည်မှုကြီးတစ်ခုကို လုပ်ခဲ့ပါတယ်။ ဘယ်လိုလိမ်လည်တာလဲဆို​တော့ ဘဏ်စနစ်​တွေကို တိုက်ခိုက်ပြီး​တော့ ​ငွေ​တွေကို စနစ်တကျ​နဲ့ကို လိမ်ခဲ့တာပါ။ ဘာလို့ အဲ့လိုလိမ်လဲဆို​တော့ ဘုံ​ဘေစ​တော့​စျေးကွက်မှာ စ​တော့ရှယ်ယာ​တွေကို ဝယ်ဖို့အတွက်ပါ။ အိန္ဒိယရဲ့ ဘဏ်​တွေထဲက​နေ ဘယ်​လောက်​တောင် လိမ်လည်ခဲ့လဲဆို​တော့ စုစု​ပေါင်း​ငွေပမာဏက အိန္ဒိယရူ​ပီး သိန်း​ပေါင်း ၁သန်း​​ကျော်ကို လိမ်လည်ခဲ့တာပဲဖြစ်ပါတယ်။ ဒီ​လောက်ဆိုရင်​တော့ ဘယ်​လောက်​တောင်များလဲဆိုတာ​ကို ​တွေးကြည့်နိုင်မယ်ထင်ပါတယ်။

Scam 1992 ဟာဆိုရင် အိန္ဒိယရဲ့ နာမည်ကြီး Stock Broker ဖြစ်တဲ့ Harahad Mehta ရဲ့ အတ္ထုပတ္တိကို ရိုက်ကူးတင်ဆက်ထားတာပဲဖြစ်ပါတယ်။ ဘယ်​လောက်​တောင် ​ကောင်းတဲ့ ဇာတ်လမ်းလဲဆိုရင် IMDb က အိန္ဒိယကား​တွေထဲမှာ Rating အများဆုံးဖြစ်ပြီး 9.6 အထိကို ရယူထားတာဖြစ်ပါတယ်။ ဒါနဲ့ ရုပ်ရှင်မဟုတ်ဘူး​နော်။ တစ်ပိုင်းကို မိနစ် ၅၀နဲ့ ၁၀ပိုင်းတစ်ဝကြီးကြည့်ရမှာဖြစ်ပါတယ်။ တကယ့်ဖြစ်ရပ်မှန်ဖြစ်တဲ့အတွက် စိတ်ဝင်စားဖို့လဲ​ကောင်းသလို လူကြိုက်လဲ အရမ်းများထားတဲ့အတွက် မကြည့်လိုက်ရမဖြစ်ရ​လေ​အောင် တင်ဆက်​ပေးလိုက်ရပါတယ်။

Review by Aung Htoo Khaing
Translated by GC Translator Team
Quality – Web-DL
IMDb – 9.6
Genres – Biography, Crime, Drama