Deleted

Deleted (2022)

ဒီရုပ်ရှင်လေးကတော့ အပြည်ပြည်ဆိုင်ရာလူကုန်ကူးမှုတိုက်ဖျက်ရေးနေ့ (ဂျူလိုင်လ ၃၀ရက်) အထိမ်းအမှတ်အားဖြစ်သော်လည်းကောင်း၊ အပြည်ပြည်ဆိုင်ရာလူကုန်ကူးမှုတိုက်ဖျက်ရေးတွင် စွမ်းစွမ်းတမံတာဝန်ထမ်းဆောင်လျက်ရှိသော အပြည်ပြည်ဆိုင်ရာရဲတပ်ဖွဲ့ဝင်များအား ဂုဏ်ပြုသောအားဖြင့်ရိုက်ကူးထားခြင်းဖြစ်ပါတယ်
ဇာတ်လမ်းလေးရဲ့အစမှာတော့ ချောင်ရီဆိုတဲ့ ရဲအရာရှိတစ်ယောက်ရဲ့သမီးလေးပြန်ပေးဆွဲခံရတာကနေအစပြုထားပါတယ်။ ထို့နောက် သမီးကိုရှာဖွေရာတွင် မတော်တဆမှုတစ်ခုကြောင့် ၃နှစ်တာကြာသွားခဲ့သော်လည်း အားမလျှော့ပဲ သူ့သမီးကိုဆက်လက်ရှာဖွေဖို့ကြိုးစားရင်း ထောင်ထဲတွင် လူမိုက်ခေါင်းဆောင် ဂို့စ်နဲ့ပေါင်းမိရင်း သမီးကိုဖမ်းခေါ်သွားတဲ့ လူကုန်ကူးဂိုဏ်းကို အတွင်းကနေမြေလှန်ဖို့ ကြိုးစားပါတော့တယ်။ ဇာတ်ကားထဲမှာတော့ မိဘမေတ္တာကိုဖော်ကျူးထားပြီး လူကုန်ကူးခြင်းကို သတိထားကာကွယ်ဖို့ပညာပေးကဏ္ဍလေးတွေလည်းထည့်ထားပါသေးတယ်။
ထို့အပြင် လူမိုက်ဂိုဏ်းတွေ ဘယ်လောက်ပဲအားကြီးအားကြီး နောက်ဆုံးလားရာမကောင်းခြင်းများ၊ မလိုအပ်တော့ရင် ထိုးကျွေးလိုက်ခြင်းများလည်း ပညာပေးဆန်ဆန်ရိုက်ပြထားပါသေးတယ်။ တစ်ကမ္ဘာလုံးမှာ အချိန်နဲ့တစ်ပြေးညီဖြစ်ပွါးနေတဲ့ လူကုန်ကူးမှုအကြောင်းကို ပညာပေးအနေနဲ့ရိုက်ထားတဲ့ဇာတ်ကားဖြစ်သည့်အပြင် မိဘချစ်ခြင်းမေတ္တာတို့အပြင် ရင်ခုန်ထိတ်လန့်စရာမှုများကိုပါ ရသပေါ်အောင်ဖော်ကျုးတင်ဆက်ထားတဲ့ ရုပ်ရှင်ဇာတ်ကားကောင်းလေးတစ်ကားမို့ ဇာတ်လမ်းကောင်းတွေကြိုက်တဲ့ GC Verse လေးများအတွက် ဘာသာပြန်တင်ဆက်လိုက်ရပါတယ်

Reviewed & Translated by KuroNeo
Encoded by Hubin