Sweet Tooth

ရိုးရှင်းတဲ့ဘဝလေးကို အေးချမ်းစွာဖြတ်သန်းနေတဲ့ ဆရာဝန်တစ်ယောက်ရဲ့ဘဝထဲကို Sickလို့နာမည်ပေးထားတဲ့ ပလိပ်ရောဂါလို ကပ်ဆိုးတွေကိုခေါ်ဆောင်လာတဲ့ ရောဂါဆိုးတစ်ခုဝင်ရောက်လာတာကြောင့် လူသားတွေသွေးပျက်ဖွယ် အသက်ဆုံးရှုံးကြရပါတော့တယ်။ တစ်ချိန်တည်းမှာပဲ လူသားတွေဆီကို လူတစ်ပိုင်း တိရစ္ဆာန်တစ်ပိုင်း hybridသတ္တဝါလေးတွေကပါ တစ်ပြိုင်နက်တည်း ဝင်ရောက်လာပြန်ပါတယ်။ ရောဂါဆိုးရဲ့ဇစ်မြစ်ကိုရော ဒီhybridလေးတွေရဲ့ ဇစ်မြစ်ကိုပါ ဘယ်သူမှသေချာမပြောနိုင်တဲ့အတွက် ထင်မြင်ချက်အမျိုးမျိုးနဲ့ စမ်းသပ်စစ်ဆေးတဲ့အခါ hybridလေးတွေအတွက် ကံဆိုးမိုးမှောင်ကျပါတော့တယ်။ ဒီဘေးဒုက္ခကနေကယ်တင်ဖို့ ‌ဆရာဝန်ဖြစ်သူက သမင်လူသားလေးကို ထွေးပွေ့ရင်း တောနက်ထဲမှာ ခြံစည်းရိုးခတ်လို့ သားအရင်းလိုပဲ ကျွေးမွေးပြုစုခဲ့ပေမယ့် သူတို့ရဲ့ခြံစည်းရိုးနားကို လူစိမ်းတစ်ယောက် ရောက်လာခြင်းနဲ့အတူ သမင်လူသားလေးဂက်စ်ရဲ့ ကံဆိုးမှုတွေ ရောက်ရှိလာပါတယ်။ ဂက်စ်လေးကိုကာကွယ်‌ရင်း အဖေဖြစ်သူလည်း သေဆုံးသွားတော့ ၁၀ နှစ်အရွယ်ကလေးငယ်လေးတစ်ယေယာက်တည်း တောနက်ထဲမှာ ရှင်သန်ရတာ မလွယ်ကူတော့တဲ့အခါ ခြံစည်းရိုးအပြင်ကို ခိုးထွက်ဖို့ကြံပါတော့တယ်။ အပြင်လောကကြီးက အစိမ်းသက်သက်ဖြစ်နေတဲ့ဂက်စ်တစ်ယောက် လူဆိုးတွေ လောဘသားတွေလက်က လွတ်မြောက်နိုင်ပါ့မလား။ သူဘယ်လိုအန္တရာယ်တွေ ရင်ဆိုင်ရမလဲ။ အမေဖြစ်သူကိုရော ရှာတွေ့နိုင်ပါ့မလား။ သူ့ကိုဘယ်သူတွေကို ကူညီသွားမလဲဆိုတာကို Sweet Toothဆိုတဲ့ဒီကားလေးမှာ စောင့်မျှော်ကြည့်ရှုရင်း အဖြေရှာလိုက်ရအောင်။
IMDb 8.6 နဲ့ Rotten tomatoes 100% rating ရထားတဲ့ရုပ်ရှင်ကောင်းဖြစ်တာကြောင့် မလွတ်တမ်းကြည့်ရှုဖို့ လက်တို့လိုက်ပါတယ်နော်