Panic (2021)
=============
ဒီ Series လေးကတော့ တက္ကဆက်က မြို့ငယ်လေးတစ်ခုမှာ အခြေတည်ထားပါတယ်။ အဲ့ဒီမြို့ငယ်လေးက ကျောင်းတစ်ခုမှာ ကျောင်းသား၊ ကျောင်းသူတွေက တခြားကျောင်းတွေနဲ့ နည်းတူ ဘွဲ့ယူရပါတယ်။ ဒီမြို့ငယ်လေးမှာ မတူတာကတော့ နွေရာသီကိုဖြတ်သန်းမယ့်ပုံပါ။ မြို့ငယ်ဖြစ်တဲ့အတွက်ကြောင့် အခွင့်အရေးကရှားပါးတယ်။ အလုပ်အကိုင်ကလည်း နည်းပါးတယ်။ ကျောင်းပြီးရင် အလုပ်စရာအလုပ်ဆိုလို့ မသေအောင်ထမင်းစားလို့ရနိုင်မယ့် အခြေအနေပဲရှိတယ်။ အဲ့လိုဆိုတော့ ကျောင်းသားတွေက ကောလိပ်တက်ဖို့ကြိုးစားကြရပါတယ်။ တစ်ချို့ကျတော့လည်း အရင်းအနှီးစုပြီးတခြားမြို့မှာ အရဲစွန့်အလုပ်သွားလုပ်ကြတာပေါ့။
ဟယ်သာကတော့ ကျောင်းဆက်တက်မယ့် မိန်းကလေးတစ်ယောက်ပါ။ စာရင်းကိုင်သင်တန်းတက်ပြီးတော့ သင့်တော်တဲ့အလုပ်တစ်ခုမှာဝင်လုပ်ပြီး စီးပွားရှာမယ်ဆိုပါတော့။ သူငယ်ချင်းနှစ်ယောက်ဖြစ်တဲ့ဘစ်ရှော့ပ်နဲ့ နာတာလီကတော့ တစ်ယောက်ကကောလိပ်တက်မယ်။ နောက်တစ်ယောက်က ပြိုင်ပွဲဝင်ပြီး မင်းသမီးလုပ်မှာပါ။ မင်းသမီးလုပ်ဖို့အတွက် ဒီမြို့ငယ်လေးမှာ အခွင့်အရေးမရှိပေမယ့် ဟောလိဝုဒ်ကိုသွားရင်တော့ဖြစ်နိုင်ပါတယ်။ အဲ့ဒီအတွက် အဲ့ဒီအိပ်မက်ကိုဖော်ဆောင်ပေးမှာကတော့ တုန်လှုပ်ခြင်းဆိုတဲ့ ကစားပွဲပဲဖြစ်ပါတယ်။
ဘွဲ့ရကျောင်းသားအများစုက တုန်လှုပ်ခြင်းဆိုတဲ့ပြိုင်ပွဲကို ဝင်ပြီးတော့ အမှတ်အများဆုံးရအောင်လုပ်ရမှာပါ။ ပြိုင်ပွဲကလည်း တစ်နွေလုံးပါပဲ။ အခန့်မသင့်ရင် အသက်အန္တရာယ်ကိုပါ ထိနိုင်ပါသေးတယ်။ ရှေ့နှစ်က ပြိုင်ပွဲဝင်တွေမှာလည်း ဆုံးပါးသွားတဲ့သူတွေရှိပါတယ်။ ဒါပေမယ့်လည်း ရမယ့်ငွေက ဒေါ်လာသောင်းနဲ့ချီတယ်ဆိုတော့ ကျောင်းသားအရွယ်လေးတွေအတွက် မက်ချင်လည်း မက်လောက်စရာပါပဲ။ ဟယ်သာတို့ သူငယ်ချင်းတွေ ဒီပြိုင်ပွဲကနေ ဆုကြေးငွေရနိုင်ပါ့မလားဆိုတာကတော့….
Review by Bruce
Translated by Bruce, Kay C, MaryChrist, LaiLaii
ဆက်တင်ပေးပာဦး