Immortal Samsara (2022) မြန်မာစာတမ်းထိုး

Everyone အခုတစ်ခါမှာတော့ အားလုံးစောင့်မျှော်နေကြတဲ့ Immortal Samsara ဆိုတဲ့ဇာတ်ကားလေး ပြသလာပြီဖြစ်ပါတယ် ဒီဇာတ်ကားကိုတော့ အထူးတလည်မိတ်ဆက်ပေးစရာ လိုအပ်မယ် မထင်ပါဘူး ဒီဇာတ်ကားဟာ နာမည်ကြီးဝတ္ထုတစ်ပုဒ်ဖြစ်တဲ့ “Chen Xiang Ru Xie” (沉香如屑) အား Swords of Legends, Love O2O, Eternal Love, One and Onlyစသော နာမည်ကြီးဇာတ်ကားများကိုရိုက်ကူးခဲ့သူ ဒါရိုက်တာ Guo Hu ကိုယ်တိုင် ပြန်လည်ရိုက်ကူးထားပြီး Love and Redemption, The Promise of Chang’an ဇာတ်ကားတို့နဲ့ လူသိများခဲ့သော အမျိုးသားဇာတ်ဆောင် Cheng Yi နှင့် Go Go Squid, Ashes of Love, Destiny of White Snake ဇာတ်ကားများ၏ဇာတ်ဆောင် Yang Zi တို့ရဲ့ Noble Aspiration အပြီး နောက်တစ်ကြိမ် ပြန်လည်တွေ့ဆုံမှုလည်း ဖြစ်ပါတယ် အဓိကသရုပ်ဆောင်နှစ်ဦးအပြင် အခြားနာမည်ကျော်များဖြစ်သော Meng Ziyi, Kele Sun (Sun Zeyuan), Han Chengyu (စီးဖုန့်တို့ဂိုဏ်းမှအစ်ကို) တို့အပြင် အနုပညာရှင်ပေါင်းများစွာမှ ပါဝင်အားဖြည့်ထားလို့ မဖြစ်မနေကြည့်သင့်တဲ့ ဇာတ်ကားကောင်းလေး တစ်ခုပဲဖြစ်ပါတယ်

ဇာတ်လမ်းအညွှန်း

ကြာပန်းနတ်သမီးလေးယန်တန့်ဟာ ရှေးခေတ်ကြာပွင့်လေးလွှာမျိုးနွယ်စုမှ ဆင်းသက်လာကာ ဆေးဖက်ဝင်ခန္ဓာကိုယ်အား အမွေအဖြစ်ဆက်ခံထားသူဖြစ်ပါတယ် သူနဲ့ သူ့အစ်မဖြစ်သူကျစ်ရှီးတို့ မိဖုရားကြီးပွဲတော်မှာ နှစ်ပေါင်းတစ်ရာထက်ကြိုပြီး လူသားအဖြစ်သို့ရောက်နိုင်ခဲ့တယ် အဲနောက်မှာတော့ သူဘဝရဲ့ အကြီးမားဆုံးစမ်းသပ်မှုဖြစ်တဲ့ ချစ်ခြင်းမေတ္တာတရားကြီးကို ရင်ဆိုင်ခဲ့ရတယ်။ ယန်တန့်ဟာ ယင့်ယွမ်းအရှင် နဲ့အချစ်ဆိုတဲ့ အရာကို ထိတွေ့မိခဲ့ပြီး ကောင်းကင်ဘုံစည်းမျဉ်းတွေကို ချိုးဖောက်မိခဲ့ရာကနေ ဘယ်လိုအခက်အခဲတွေနဲ့ ကြုံတွေ့ရမလဲ ယန်တန့်ဟာ ချစ်ခြင်းတရားကြောင့် မမျှော်လင့်ထားတဲ့ဖြစ်ရပ်တွေကို ကြုံတွေ့ပြီး မေ့ပျောက်နိုင်အောင် နှစ်ပေါင်းများစွာကြိုးစားခဲ့ရပြီးမှ ဘာတွေဆက်ဖြစ်မလဲ နတ်သိုင်းကားရဲ့ထုံးစံအတိုင်း တစ်ဘဝပြီး တစ်ဘဝလူဝင်စားတဲ့ထုံးစံအရ တစ်နေ့မှာ ယင့်ယွမ်းအရှင်က မိစ္ဆာနှိမ်နှင်းသူတစ်ယောက်အဖြစ်နဲ့ ယန်တန့်တို့ပြန်တွေ့ကြတဲ့အခါ ဘယ်လိုအလွဲတွေနဲ့ ပြန်တွေ့ကြမလဲ ယန်တန့်နှစ်ပေါင်းများစွာ မေ့ပျောက်အောင်ကြိုးစားခဲ့ရတာတွေ ရေစုန်မျှောသွားမလားဆိုတဲ့ ဆန်းကြယ်တဲ့ လျှို့ဝှက်ချက်တွေကို ရင်တထိတ်ထိတ်နဲ့ စောင့်ကြည့်ပေးကြပါအုံးနော်

Reviewed by April Chyu & Shwim Shwim

Translated by GC Chinese Team

Encoded by Lwin Naung