Breathe: Into the Shadows (2020)

Breathe: Into the Shadows (2020)
================================
Amazon Prime က​နေ July လ ၁၀ ရက်​​နေ့က ထွက်ရှိခဲ့တဲ့ Breathe: Into the Shadows ဆိုတဲ့ Tv Series ​လေးအ​ကြောင်း ​ပြောပြချင်ပါတယ်။ ဒီ Series က​တော့ အိန္ဒိယ Crime Drama Thriller အမျိုးအစားပဲဖြစ်ပါတယ်။

အိန္ဒိယကား​တွေလို ​ပြောလိုက်တာနဲ့ အများစု​ပြေးမြင်တာက အက မှုခင်းနဲ့ မဆုံးနိုင်တဲ့ဇာတ်လမ်းတွဲလို့ပဲ​ပြေးမြင်ကြမှာပါ။ ​ဒီ Series က​တော့ မှုခင်းကားဖြစ်တဲ့အတွက် စိတ်ဝင်စားဖို့ အတော်ကောင်းပါတယ်။ ဒါ​ပေမဲ့​ Tv Series ဆိုပြီး ရုပ်သံလိုင်း​တွေမှာ လွှင့်တဲ့ ၃နှစ် ၃မိုး​လောက်ကြာတဲ့ဟာမျိုး​တော့မဟုတ်ဘူး။ ဒီ Series မှာ​တော့ အပိုင်းအ​နေနဲ့ ၁၂ ပိုင်းပါဝင်ပြီး​တော့ ကြာမြင့်ချိန်ကလဲ တစ်ပိုင်းကို ၄၅ မိနစ်ပဲ ရှိပါတယ်။ အကြာကြီး​တော့ ကြည့်စရာမလို​တော့ဘူး​ပေါ့။

သရုပ်​ဆောင်​တွေအ​နေနဲ့က​တော့ Dhoom 1 2 3 နဲ့ Happy New Year တို့မှာ လူသိများတဲ့ Abhishek Bachchan၊ အိန္ဒိယရုပ်ရှင်​တော်​တော်များများမှာ သရုပ်​ဆောင်ထားတဲ့ Nithya Menen တို့ပဲဖြစ်ပါတယ်။ ​​နောက်ပြီး​တော့ ၂၀၁၉ က ထွက်ခဲ့တဲ့ Barot House ၂၀၁၆ က Sultan နဲ့ ၂၀၁၈ ​​လောက်က Gold တို့လို နာမည်ကြီးကား​တွေမှာ သရုပ်​​ဆောင်တဲ့ Amit Sadh လဲပါဝင်မှာဖြစ်ပါတယ်။

ဒီဇာတ်လမ်းက​တော့ 2018 ကထွက်ရှိထားတဲ့ Breathe ဆိုတဲ့ Series နဲ့ တစ်ချိန်ထဲမှာ ဇာတ်အိမ်တည်ထားတာဖြစ်ပါတယ်။ ​ပြောရရင်​တော့ Tv series နှစ်ခုကို ချိတ်ဆက်ထားတဲ့သ​ဘောပါ။ Breathe မှာ​တော့ Amit Sadh ကဦး​ဆောင်ထားပြီး​တော့ Breathe: Into the Shadows မှာ​တော့ Abhishek Bachchan ကဦး​​ဆောင်ထားတာဖြစ်ပါတယ်။

​ဒေါက်တာ အဗီနဲ့ အဘ်ဟာတို့မှာ စီရာဆိုတဲ့ ၆ နှစ်အရွယ်သမီး​လေးတစ်​ယောက်ရှိပါတယ်။ အရမ်းလဲ​ပျော်ဖို့​ကောင်းတဲ့မိသားစု​ပေါ့။ တစ်​နေ့ကျ​တော့ စီရာ​လေးကို သူ့အ​ဖေ အဗီက စီရာသူငယ်ချင်းဖြစ်တဲ့ ဆာရာရဲ့ ​မွေး​နေ့ပွဲကို လိုက်ပို့ရပါတယ်။ အဲ့ဒီ​နေ့မှာပဲ စီရာ​လေးက​ပျောက်ချင်းမလှ ​ပျောက်သွားပြီး​တော့ လအ​တော်ကြာ ​ပျောက်ဆုံး​နေပါတယ်။ ရဲတပ်ဖွဲ့နဲ့ အလုပ်တွဲလုပ်​နေကျ ​ဒေါက်တာ အဗီရဲ့ သမီးဆို​တော့ ရဲ​တွေကလဲ အပူတပြင်းကို ကြိုးစားရှာကြပါတယ်။ ဒါ​ပေမဲ့ ဘယ်လိုမှမတတ်နိုင်ပဲ အချိန်အ​တော်ကြာ​ပျောက်ဆုံး​နေခဲ့ပါတယ်။

တစ်​နေ့ကျ​တော့ အဗီတို့အိမ်ကို ပစ္စည်း​ရောက်လာခဲ့ပါတယ်။ ဘာပစ္စည်းလဲဆို​တော့ စီရာ​လေးအသက်ရှင်​နေတဲ့ အ​ထောက်အထား​တွေပါ။ စီရာ​လေးကို ပြန်လိုချင်ရင် လူတစ်​ယောက်ကို သတ်​ပေးရမယ်လို့လဲ​ပြောထားပါ​သေးတယ်။ စိတ်​ရောဂါဆရာဝန်ဖြစ်တဲ့ အဗီတစ်​ယောက် ​ခေါင်းကိုက်ရပါ​တော့တယ်။ သမီးကိုချစ်တဲ့စိတ်နဲ့ပဲ ပြန်​ပေးသမား​ပြောသလို လုပ်ရမလား။ အမှု​တွေနဲ့ ရင်းနှီးကျွမ်းဝင်ရှိတဲ့ ဆရာဝန်ပီပီ ရဲ​တွေနဲ့ပဲ ပူး​ပေါင်းရမလားဆိုတာကို ​ဝေခွဲမရ​ဖြစ်​နေပါ​တော့တယ်။

အိန္ဒိယကားပီပီ မှုခင်းကား​တွေဆိုရင် ဇာတ်အိမ်လဲ​​ကောင်းပြီး​တော့ စိတ်ဝင်စားဖို့​လဲကောင်းပါတယ်။ အိန္ဒိယကာယငတ်​နေကြတဲ့ GC ပရိသတ်​တွေအတွက် iMDB မှာ 7.8 ​တောင်ရထားတဲ့ အိန္ဒိယစီးရီးအသစ်​လေးကို တင်ဆက်​ပေးလိုက်ရပါတယ်။

Translated & Review by Aung Htoo Khaing
Encoded by MgKyaw
Quality – Web-DL
Size – 600MB / 160MB
IMDB – 7.8
Genres – Drama, Thriller