Alchemy of Souls (환혼)
ဟွမ်ဟွန်ဆူး (သေဆုံးသူရဲ့ဝိဉာဥ်က အသက်ရှင်သူရဲ့ခန္ဓာကိုယ်ထဲကူးပြောင်းခြင်း) ဆိုတဲ့ ဆန်းကြယ်ဖြစ်ရပ်ကြောင့် ရှုပ်ထွေးပွေလီသွားခဲ့ရတဲ့ သူတို့ရဲ့ကံကြမ္မာတွေ…ကံကြမ္မာအလှည့်အပြောင်းကြားက ပေါက်ဖွားလာမယ့် ချစ်ခြင်းဖွဲ့တေးသံတွေ.. စိတ်ကူးယဥ်သမိုင်းထဲက ဒဏ္ဍာရီဆန်ဆန်ဇာတ်ကောင်တွေကို ခံစားဖို့ tvN ရဲ့ Alchemy of Souls ကို တင်ဆက်ပေးလိုက်ရပါတယ်။
ဒယ်ဟိုတိုင်းပြည် မျိုးရိုးမြင့်ဂျန်မိသားစုမှ သခင်လေး Jang Wook (Lee Jae Wook) – တစ်တိုင်းပြည်လုံးက အုတ်အော်သောင်းနင်းစိတ်ဝင်တစားပြောကြတဲ့ လျှို့ဝှက်ဆန်းကြယ်သောမွေးဖွားခြင်းနှင့် မွေးဖွားလာသူ။ အိမ်တော်ရဲ့ပြဿနာအိုး။ သူ့ရဲ့လျှို့ဝှက်တဲ့ အမှောင်ခြမ်းက ဘာများလဲလို့ သိချင်စိတ်ဖြစ်ပေါ်စေသူ။
သူနဲ့အပြိုင် ရန်ဖြစ်မယ့်သူက သူရဲ့အစေခံမလေး Mu-Deok (Jung So Min) – Mu-Deok က သာမာန်အစေခံမလေး မဟုတ်ခဲ့ပါဘူး။ သူ့ရဲ့ကိုယ်ထဲမှာ ကိန်းအောင်းနေတာက အဆင့်မြင့်စစ်သည်တော်တစ်ဦးရဲ့ဝိဉာဥ်..ဒါကြောင့်ပဲ အားနည်းတဲ့ခန္ဓာကိုယ်ထဲ ပိတ်မိနေလို့ အားမလိုအားမရဖြစ်ရသူ။ ဝိဉာဥ်ရဲ့ ကျွမ်းကျင်မှုကြောင့် Jang Wook ကို ဓားရေးလျှို့ဝှက်စွာသင်ပေးပြီး သူကိုယ်တိုင်ကလည်း လျှို့ဝှက်မှုတွေနဲ့ စိတ်ဝင်စားစရာကောင်းသူ..။
Seo Yool (Minhyun) ကတော့ ဆွေကြီးမျိုးကြီး ဆောအိမ်တော်ကသခင်လေး။ ရုပ်ရည်သာမက လက်ရုံးရည်နှလုံးရည်နှင့်ပါ ပြည့်စုံသည့် သခင်လေး။ Go Won (Shin Seung-Ho) ကတော့ ဒယ်ဟိုတိုင်းပြည်ရဲ့ အိမ်ရှေ့စံဖြစ်ပြီး ကြီးမြတ်တဲ့မင်းတစ်ပါးဖြစ်ဖို့ မျှော်လင့်ထားသူပါ။ ဒီအပြင် တခြားစိတ်ဝင်စားစရာဇာတ်ကောင်အပြည့်နဲ့မို့လို့ မျက်တောင်မခတ်တမ်းကြည့်ရှုရမှာပါ။ ဇာတ်ကောင်တွေအားလုံးမှာ လျှို့ဝှက်ထားတဲ့အစွန်းတစ်ဖက်ရှိတာမို့ ရင်ခုန်စရာကောင်းအောင် ဆွဲဆောင်မှုရှိနေမှာပါ။
ပဟေဠိအပြည့်နဲ့ စိတ်ကူးယဥ်ဒဏ္ဍာရီဇာတ်လမ်းဖြစ်ပြီး ဇာတ်ဆောင်တွေရဲ့ ဆွဲဆောင်မှုအပြည့်နဲ့သွင်ပြင်၊ ကဗျာဆန်တဲ့ Cinematography တွေကြောင့် ပရိတ်သတ်တွေအကြိုက်တွေ့ကြဦးမှာပါ။ ဒါကြောင့် ဒီဒဏ္ဍာရီဆန်ဆန်ဇာတ်လမ်းလေးကို အပတ်စဥ် စနေ၊တနင်္ဂနွေတိုင်း Gold Channel နဲ့အတူ စောင့်မျှော်အားပေးကြပါဦးနော်။
Review: Athena
Subtitlers: Hnin Aye Nyein, Yin Cho, Faith & Athena
Encoder: AJ18
https://t.me/forecastinglove
21ကနောက်ဘဝမှလား🤨
အပိုင်း21မတင်တော့ဘူးလား
360pရရင်ကောင်းမာပဲ