Warriors of the Rainbow: Seediq Bale II (2011)

အခုတစ်ခါတင်ဆက်ပေးချင်တာကတော့ ထိုင်ဝမ်ကျွန်းပေါ်က ဖြစ်ရပ်မှန်ဇာတ်လမ်းလေးတစ်ပုဒ်ပဲဖြစ်ပါတယ်။
Qing Dynasty ရဲ့ ဂျပန်တွေကို စစ်ရှုံးမှုကြောင့် 1895 ခုနှစ်ကစပြီးတော့ ရှီမိုနိုဆဲကီသဘောတူညီချက်အတိုင်း ထိုင်ဝမ်ကျွန်းကို ဂျပန်တွေလက်ထဲ ထည့်ပေးလိုက်ရပါတယ်။

ထိုင်ဝမ်ဟာ ဂျပန်တွေရဲ့ ပထမဆုံးကိုလိုနီနိုင်ငံတစ်ခုလည်းဖြစ်လာခဲ့ပါတယ်။ ဂျပန်တွေရဲ့ ရည်ရွယ်ချက်ကတော့ ထိုင်ဝမ်ကျွန်းကို စီးပွားရေးကောင်းအောင်၊ လုပ်ငန်းတွေပေါများအောင်နဲ့ ဂျပန်ယဉ်ကျေးမှုတွေ ထွန်းကားလာအောင်လုပ်ဖို့ပဲဖြစ်ပါတယ်။ ထိုင်ဝမ်ကျွန်းမှာနေတဲ့ Seediq တိုင်းရင်းသားတွေအဖို့တော့ ဂျပန်တွေရောက်လာခြင်းဟာ ကောင်းသောရောက်လာခြင်းမျိုး မဟုတ်ဘဲ သူတို့ရဲ့ နယ်မြေကို ကျူးကျော်နယ်ချဲ့တယ်လို့ တွက်ဆခဲ့ကြပါတယ်။

1895 ခုနှစ်ကနေ 1945 အထိ ကိုလိုနီပြုခံခဲ့ရတဲ့ နှစ် ၅၀ အတောအတွင်း ပုန်ကန်မှုတွေ အကြောင်းအမျိုးမျိုးကြောင့် များစွာဖြစ်လာခဲ့ရတဲ့အထဲမှာ အထင်ရှားဆုံးနဲ့ အကြီးကျယ်ဆုံးသော ပုန်ကန်မှုဟာ 1930 ခုနှစ်မှာဖြစ်ပွားခဲ့တဲ့ Wushe Incident ပဲဖြစ်ပါတယ်။ မျိုးနွယ်စုတွေများစွာရှိတဲ့အထဲကမှ သဘောထားချင်းတိုက်ဆိုင်တဲ့ ဌာနေတိုင်းရင်းသားလေး ၃၀၀ နဲ့ ထောင်ချီအင်အားအပြင်ကို အမြှောက်တွေ၊ လေယာဉ်တွေပါ ပိုင်ဆိုင်ထားတဲ့ ဂျပန်တွေကို ပုန်ကန်ခဲ့ကြတာပဲဖြစ်ပါတယ်။

ဒီဇာတ်လမ်းမှာတော့ နှစ်ပိုင်းရှိပြီး ပထမတစ်ပိုင်းကတော့ နေမင်းအင်ပါယာဖြစ်တဲ့ ဂျပန်တွေ ထိုင်ဝမ်က တိုင်းရင်းသားတွေကို ကိုလိုနီပြုဖို့အတွက် ကြိုးစားခဲ့ကြတာကို Seediq တိုင်းရင်းသားတွေက ရရာလက်နက်နဲ့ ခုခံခဲ့ကြတာကို အဓိကတွေ့မြင်ရမှာဖြစ်ပါတယ်။ ဒုတိယအပိုင်းမှာ‌တော့ Wushe Incident အစပြုရာဖြစ်တဲ့ အားကစားပွဲတော်နေ့မှာ ဂျပန်တွေကို မိန်းမ၊ ကလေးမကျန် အကုန်လည်ပင်းဖြတ်ပြီး ပုန်ကန်ကြတာကို ကြည့်ရှုကြရပါမယ်။

ဖြစ်ရပ်မှန်ဇာတ်လမ်းဖြစ်ပြီးတော့ Seediq လူမျိုးတွေရဲ့ ဓလေ့ထုံးတမ်းတွေ၊ အသက်ရှင်နေထိုင်ပုံတွေနဲ့ Seediq လူမျိုးရယ်လို့ အစတည်ရာ ဒဏ္ဍာရီကိုပါ သိရှိရမှာဖြစ်ပါတယ်။ အပေါ်မှာပြောခဲ့သလိုပဲ သွေးထွက်သံယိုတွေ အပြင်ကိုခေါင်းပြတ်တွေကိုပါ သေချာတွေ့မြင်ရမှာဖြစ်လို့ မကြည့်ရဲတဲ့သူတွေကိုတော့ ‌ရှောင်ရှားစေလိုပါတယ်။

Review and Translated by Bruce

* Application မှာလည်း ကြည့်လို့ရပါပြီ *

Google Play Store Link – https://play.google.com/store/apps/details?id=com.yeyint.goldchannelrework

Apk Pure Link – https://apkpure.com/gold-channel-movies/com.yeyint.goldchannelrework

Android Box Link – https://drive.google.com/file/d/1mpPGp7f-3sCKYAWvmLicm7xj6UvKYplG/view?usp=sharing

=======================