window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'G-RHKW6HGVZY');
The Harder They Fall (2021)
Netflix ကနေ အသစ်ထွက်ရှိထားတဲ့ အမေရိကန်-Western ရုပ်ရှင်သစ်နဲ့ မိတ်ဆက်ပေးချင်ပါတယ်။ အမေရိကန်ကျေးလက်ဒေသနောက်ခံထားတဲ့ စိတ်ကူးယဉ်ဇာတ်လမ်းဖြစ်ပေမဲ့ ၁၉ ရာစုက အမေရိကန်အနောက်ပိုင်းရဲ့ ကောင်းဘွိုင်တွေ၊ ဥပဒေဘက်တော်သားတွေနဲ့ ၀ရမ်းပြေးဇာတ်ကောင် အစစ်တွေကို အခြေခံထားတာပါ။ ဇာတ်လမ်းထဲက သရုပ်ဆောင်တွေအားလုံးကို အာဖရိကန်-အမေရိကန်နွယ်ဖွားတွေချည်းသုံးထားတဲ့ ရှားပါးဇာတ်လမ်းတစ်ပုဒ်လည်း ဖြစ်ပါတယ်။
Nat Love ဆိုတဲ့ကလေးငယ်ဟာ မိဘတွေနဲ့ ထမင်းထိုင်စားနေတုန်း အိမ်ကို သေနတ်ကိုင်ထားတဲ့လူစိမ်းတွေ ရောက်ရှိလာပါတယ်။ ကလေးငယ်ရှေ့မှာတင် မိဘနှစ်ပါးကိုပစ်သတ်ပြီး ကလေးနှဖူးမှာ ကြက်ခြေခတ်ပုံထွင်းပေးလိုက်ပါတယ်။ ကလေးငယ်အရွယ်ရောက်လာတဲ့အခါ သူ့မိဘတွေကိုသတ်သွားတဲ့ Rufus Beck နဲ့ သူ့အဖွဲ့၀င်တွေကိုရှာပြီး ကလဲ့စားချေဖို့ကြိုးစားပါတယ်။ အဲဒီလိုနဲ့ ကောင်းဘွိုင်အဖွဲ့တွေကြား ဘယ်လိုအရှုပ်အရှင်းတွေ ဖြစ်လာမလဲ၊ Love ကရော သူ့ရည်ရွယ်ချက်အတိုင်း ကလဲ့စားချေနိုင်ပါ့မလား၊ သူ့မိဘတွေအသတ်ခံရတာ ဘာကြောင့်ဖြစ်မလဲဆိုတာတွေကို စိတ်၀င်စားစရာ ကြည့်ရှုရမှာပါ။
ကောင်းဘွိုင်အက်ရှင်ဇာတ်လမ်းကြိုက်သူတွေအတွက် အမေရိကန်ကျေးလက်ရှုခင်းတွေနဲ့အတူ အက်ရှင်စွန့်စားခန်းတွေကို တ၀ကြီးကြည့်ရမယ့် ဇာတ်လမ်းတစ်ပုဒ်အဖြစ် ညွှန်းပေးလိုက်ပါတယ်။
Review by Cherry Mon
Translated by Cherry Mon, Sunny, Grace & Mary Christ