The First Purge (2018)

The First Purge (2018)
============================
ဒီကားကတော့ 2018 မှာထွက်ခဲ့တဲ့ကားလေးပါ။ အမေရိကန်ရဲ့နိုင်ငံရေးပါတီတစ်ခုဖြစ်တဲ့ NFFA ကနေပြီး ဂိုဏ်းစတားတွေ ဆေးသမားတွေပေါတဲ့ စတေတန်ကျွန်းပေါ်မှာ စမ်းသပ်မှုတစ်ခုပြုဖို့ စတင်ခဲ့ပါတယ်။ ဒီစမ်းသပ်မှုပြုလုပ်ရတဲ့ သူတို့ရဲ့ရည်ရွယ်ချက်က ဒုစရိုက်မှုတွေမကောင်းမှုတွေကို နည်းသွားစေချင်တဲ့ ရပ်တန့်စေချင်တဲ့ရည်ရွယ်ချက်ကြောင့် ဒီသန့်စင်ရှင်းလင်းခြင်းစမ်းသပ်မှု ကို စစ်ဆေးကြည့်ခြင်းဖြစ်တယ်လို့ လူထုကိုကြေညာခဲ့ပါတယ်။

ဒီစမ်းသပ်မှုပြုလုပ်မယ့် ဆယ့်နှစ်နာရီအတောအတွင်းမှာ စတေတန်ကျွန်းပေါ်မှာရှိနေတဲ့ ဘယ်သူ့ကိုမှထိန်းချုပ်ထားနိုင်တဲ့ ဥပဒေမရှိပါဘူး၊ ကိုယ့်မှာရှိနေတဲ့ဒေါသတွေ အမုန်းတရားတွေကို စိတ်လွတ်ကိုယ်လွတ်ဖော်ထုတ်ပစ်လိုက်ခွင့်ရှိပါတယ်။ ကြိုက်တဲ့သူနဲ့ ကြိုက်တဲ့နေရာမှာစာရင်းရှင်းလို့ရမယ်၊ အဲဒီအတွက် လိုက်ထိန်းချုပ်နေမယ့် အရေးယူပေးမယ့် ဥပဒေမရှိပါဘူး၊ ဒီစမ်းသပ်မှုကာလအတွင်းမှာ ကျွန်းပေါ်မှာမနေချင်ရင်ထွက်သွားလို့ရပေမယ့် ကျွန်းပေါ်မှာပဲဆက်နေပြီး အသက်ရှင်နိုင်ရင်တော့ ဒေါ်လာငါးထောင်ရမယ်လို့ ကြေညာထားပါတယ်၊ အဲဒီအချိန်မှာပဲ ဒီသန့်စင်ရှင်းလင်းခြင်းအမှုကို ကန့်ကွက်တဲ့သူတွေရော ထောက်ခံသူတွေပါ ပေါ်လာပါတော့တယ်။

ဒီကျွန်းကမူးယစ်ဆေးဘုရင်လို့ဆိုရမယ့် ဒီမီတရီ ကလည်း ဒီသန့်စင်ခြင်းအမှုမှာ တစ်နည်းတစ်ဖုံနဲ့ ပါဝင်ဖို့ဖြစ်လာပါတယ်၊ သူ့ရဲ့ကောင်မလေးဖြစ်ခဲ့တဲ့ နာရ်ကတော့ ဒီစမ်းသပ်မှုကို ရှေ့ဆုံးကနေကန့်ကွက်နေတဲ့သူပါ၊ ဒါပေမဲ့သူကလည်း ဒီကျွန်းကနေတော့ထွက်မသွားခဲ့ပါဘူး ။

သဘောထားမတိုက်ဆိုင်တဲ့ သူတို့နှစ်ယောက်အတွက် ဘယ်လိုအဖြစ်အပျက်တွေကြုံတွေ့ရမလဲ၊ စတေတန်ကျွန်းလိုမျိုး တကယ့်ဂိုဏ်းစတားတွေရှိတဲ့နေရာမှာ ကိုယ့်ဒေါသတွေကိုဖွင့်ထုတ်ဖို့ ခွင့်ပြုလိုက်တာက သူတို့ကျွန်းအတွက် သာမန်လူတွေအတွက် ဘယ်လိုထိခိုက်မှုတွေဖြစ်လာမလဲ၊ စမ်းသပ်မှုကရောမျှော်လင့်ထားသလို ဖြစ်လာမလားဆိုတာတော့ ဒီကားထဲမှာပဲ ကြည့်ရူပေးကြပါဦး။

Translated and Review by Aye Phyo Mon