Space Sweepers (2021)

Space Sweepers (2021)
====================

အပေအတေဇာတ်ရုပ်နဲ့ပိုကြည့်ကောင်းတဲ့ ကိုရီးယားစတား Song Joong-ki ကို ဒီရုပ်ရှင်ထဲမှာ Kim Tae-hoအဖြစ်တွေ့ရမှာပါ။ ဒီကားလေးအကြောင်းမပြောခင် မှတ်မှတ်ရရဖြစ်စရာလေးတစ်ခုကတော့ Song Joong-ki သရုပ်ဆောင်တဲ့ “A Werewolf Boy” ဆိုတဲ့ဇာတ်ကားကောင်းလေးနဲ့ အခုဒီဇာတ်ကားလေးရဲ့ဒါရိုက်တာက တစ်ဦးတည်းဖြစ်တယ်လို့သိရပါတယ်။ စိတ်ကူးယဉ်သိပ္ပံဇာတ်ကားဖြစ်တဲ့ဒီကားလေးဟာ ကိုရီးယားရဲ့ပထမဆုံးအာကာသရုပ်ရှင်လည်းဖြစ်ပါတယ်။

ဒီဇာတ်လမ်းက အနာဂတ်ကာလ၂၀၉၂ခုနှစ်ကို ပုံဖော်ရိုက်ကူးထားတာဖြစ်ပြီး အဲဒီကာလမှာ လူတွေဟာ အာကာသထဲမှာအခြေချနေထိုင်နေကြပါပြီ။ ဇာတ်လမ်းအရ ကောင်းမွန်တဲ့ဂြိုဟ်တစ်ခု ပေါ်နေဖို့တတ်နိုင်တဲ့ UTS ဆိုတဲ့အုပ်စုရယ် ငွေကြေးမတတ်နိုင်လို့ ယိုယွင်းနေတဲ့ကမ္ဘာမှာကျန်ခဲ့တဲ့အုပ်စုရယ်ဆိုပြီး နှစ်စုကွဲနေတာကိုတွေ့ရပါတယ်။ အဓိကဇာတ်ဆောင်တွေဖြစ်တဲ့ “ကင်ထယ်ဟို, ချမ်းယုံဆော့, တိုက်ဂါးပတ်နဲ့ စက်ရုပ်ဘတ်”တို့အဖွဲ့ဟာ စားဝတ်နေရေးအတွက် အာကာသထဲကဂြိုဟ်ပတ်လမ်းတွေမှာမျောနေတဲ့ ယာဉ်အပျက်အစီးတွေကိုစုဆောင်းပြီး အမှိုက်လက်ခံတဲ့ဌာနဆီရောင်းချနေကြတဲ့ “အာကာသသန့်ရှင်းရေးသမား”တွေဖြစ်ပါတယ်။

သူတို့ရဲ့ယာဉ်နာမည်က”Victory”ဖြစ်ပြီး သူတို့လေးယောက်မှာ နာကျည်းဖွယ် အတိတ်ကိုယ်စီရှိကြပါတယ်။ တစ်ရက်မှာ Victory အဖွဲ့သားတွေဟာ Dorothy လို့အမည်ပေးထားတဲ့ လူနဲ့အလွန်တူတဲ့ကလေးမလေးတစ်ယောက်ကို တွေ့ရာက ဘယ်လိုထူးဆန်းတဲ့ကိစ္စတွေဆက်ဖြစ်လာမလဲ။ UTSရဲ့ စီအီးအိုဖြစ်တဲ့ James Sullivan ကရော ကိုယ်ထင်ထားသလိုလူဟုတ်ရဲ့လား။ သူ့နေရာမှာကိုယ်သာဆိုရင်ဆိုတဲ့စိတ်နဲ့ ဒီကားလေးကို ကြည့်ဖြစ်တဲ့အခါ အတွေးပွားစရာတွေအများကြီးဖြစ်လာမှာပါ။ ရုပ်ပိုင်းဆိုင်ရာတွေဘယ်လိုပဲတိုးတက်နေပါစေ စိတ်ပိုင်းဆိုင်ရာချို့ယွင်းရင် ပတ်ဝန်းကျင်အတွက်ဘယ်လောက်ထိဒုက္ခများတယ်ဆိုတာ ဒီကားလေးမှာတွေ့ရမှာပါ။ IMDb rating 6.6 ရထားတဲ့ တောင်ကိုရီးယားရဲ့အိပ်မက်ကို GC မှာကြည့်နိုင်ပါပြီ။

Translated and Review by May Hsu Wathan Htet
Encoded by Noah
Quality – Webrip
Size – 1GB / 520MB
IMDB – 7.7
Genres – Drama, Fantasy, Sci-fi
Run Time – 2 Hr 16 mins