Out of Death (2021)

Out of Death (2021)

========================

နာမည်ကျော်ဟောလိဝုဒ်မင်းသားကြီး Bruce Willis ပါ၀င်သရုပ်ဆောင်ထားတဲ့ အမေရိကန်-သည်းထိတ်ရင်ဖို-မှုခင်းဇာတ်လမ်းသစ်တစ်ပုဒ်နဲ့ မိတ်ဆက်ပေးချင်ပါတယ်။

အငြိမ်းစားရဲအရာရှိကြီးတစ်ဦးဖြစ်တဲ့ Jack ဟာ ဇနီးသည်ကွယ်လွန်ပြီးနောက် စိတ်ပြေလက်ပျောက်ဖြစ်အောင် ဆွေမျိုးတွေရှိရာ ကျေးလက်ဒေသကို ရောက်ရှိလာခဲ့ပါတယ်။ စိတ်အေးလက်အေး အနားယူဖို့လာခဲ့ပေမဲ့လည်း သူဟာ ရုန်းကန်လှုပ်ရှားရဖို့ ကံပါလာခဲ့ပုံရပါတယ်။ တောလမ်းခရီးတစ်ခုထွက်လာခိုက် အသက်ဘေးကြုံနေတဲ့ မိန်းကလေးတစ်ဦးကို ကယ်ဆယ်ပေးခဲ့ရာကစလို့ ဒေသခံရဲတချို့ရဲ့ အကျင့်ပျက်ခြစားနေတဲ့ အရှုပ်ထုပ်ထဲ ပါ၀င်ပတ်သက်မိသွားပါတယ်။

ဓာတ်ပုံသတင်းထောက်တစ်ဦးဖြစ်တဲ့ Shannon Metthers ဟာ သူမ ဖခင်ရဲ့အရိုးပြာကိုထားပေးဖို့အတွက် တောလမ်းခရီးထွက်လာခဲ့ပါတယ်။ အပြန်လမ်းမှာ သူဟာ မထင်မှတ်ဘဲ အကျင့်ပျက်ရဲတစ်ယောက်ရဲ့မကောင်းမှုလုပ်ရပ်ကို မြင်တွေ့လိုက်ရပြီး ရဲလက်ကနေ ထွက်ပြေးလာခဲ့ပါတယ်။ ဒါပေမဲ့ ထွက်ပြေးရင်းဖမ်းမိသွားပြီး အသက်ကိုရန်ရှာခံနေရတုန်း Jack က ၀င်ရောက် ကယ်ဆယ်ပေးခဲ့ပါတယ်။

အဲဒီလိုနဲ့…  Jack နဲ့ Shannon တို့နှစ်ယောက်ဟာ အကျင့်ပျက်ရဲတချို့ရဲ့လက်ထဲကနေ အတူတူ ထွက်ပြေးလွတ်မြောက်ဖို့ ကြိုးစားရပါတော့တယ်။ သူတို့နှစ်ဦးဟာ ဉာဏ်နီဉာဏ်နက်များလွန်းလှတဲ့ အဲဒီရဲတွေရဲ့ခေါင်းဆောင်ဖြစ်သူနဲ့ ဘယ်လိုတွေ ဉာဏ်ကစားကြမလဲ၊ ဘယ်လိုရင်ဆိုင်တိုက်ခိုက်ကြမလဲ၊ အပေါ်ယံတွေဗန်းပြထားတဲ့ နောက်ကွယ်က အကျင့်ပျက်ခြစားမှုတွေ ‌ပေါ်ပေါက်နိုင်ပါ့မလားဆိုတာကို စိတ်လှုပ်ရှားစရာ ကြည့်ရှုကြရမှာပါ။ တကယ်ကိုကြည့်လို့‌ကောင်းတဲ့မှုခင်း-အက်ရှင်ဇာတ်လမ်းကောင်းတစ်ပုဒ်မို့ ညွှန်းပေးလိုက်ပါတယ်နော်။

Review by Cherry Mon 

* Application မှာလည်း ကြည့်လို့ရပါပြီ *

Google Play Store Link – https://play.google.com/store/apps/details?id=com.yeyint.goldchannelrework

Apk Pure Link – https://apkpure.com/gold-channel-movies/com.yeyint.goldchannelrework

=======================