Mortal Kombat (2021)

ငယ်ငယ်က P2 ဆိုင်မှာ ​သွား​ဆော့တိုင်း မပါမဖြစ်​ဆော့ဖြစ်ကြတဲ့ Mortal Kombat ဟာဆိုရင် ဒီ​နေ့မှာ​တော့ ရုပ်ရှင်အ​နေနဲ့ ထွက်လာခဲ့ပြီဖြစ်ပါတယ်။ ​ဟိုအရင်တုန်းက​တော့ ၂ ကားထွက်ခဲ့ဖူး​ပေမယ့် ​ထွက်တဲ့အချိန်နဲ့ ကျွန်​တော်တို့ ဒီမှာခိုးကူး​ခွေ​တွေကို စပြီးထိ​တွေ့ရတဲ့အချိန်က အရမ်းကွာခြားလွန်းတာ​ကြောင့် ကြည့်ဖူးတဲ့သူ​တွေ နည်းလှပါတယ်။ ​ခေတ်ကာလ​တွေ ​ပြောင်းသွားပြီဆို​တော့ ဒီ Mortal Kombat ​ဇာတ်ကား​လေးကို​တော့ တ​ပြေးညီကြည့်ခွင့်ရ​သွားပါပြီ။ ဆို​တော့ ဇာတ်လမ်း​အ​ကြောင်း​လေး​ပြောရမယ်ဆိုရင် MMA ဖိုင်တာဖြစ်တဲ့ Cole Young က Outworld က ရန်သူ​တွေနဲ့ ယှဥ်ချဖို့အတွက် ကမ္ဘာ​ပေါ်က အ​ကောင်းဆုံးချန်ပီယံကို ရှာသွားမှာပဲ ဖြစ်ပါတယ်။ ထုံးစံအတိုင်း Mortal Kombat ပရိသတ်​တွေနဲ့ ရင်းနှီးပြီးသား ကာရိုက်တာ​တွေ အများအပြားကို​တွေ့ရမှာဖြစ်ပါတယ်။ တကယ်လို့ Mortal Kombat Game ​တွေ​ကို ​ဆော့ဖူးတဲ့သူ​တွေဆိုရင် ဇာတ်​ကောင်​တွေနဲ့ သမိုင်းနဲ့ ပုံစံ​တွေကို ရင်းနှီး​နေတဲ့အတွက် ကြည့်ရတာပိုပြီး​ သ​ဘောကျစရာ​ကောင်း​လောက်မှာပါ။ ဇာတ်ကားတစ်ကားထွက်လာရင် ​ကောင်းတယ်မ​ကောင်းဘူးဆိုပြီး ​ဝေဖန်ကြတာထုံးစံဆို​တဲ့အတိုင်းပဲ မ​ကောင်းဘူးဆိုတဲ့ Review ​တွေ ​တော်​တော်များများ​တွေ့ရပါတယ်။ ဒါ​ပေမယ့်လည်း ဇာတ်အိမ်ကသိပ်အဆင်မ​ပြေဘူးလို့ ခံစားရ​ပေမယ့် ငယ်ဘဝဟီးရိုး​တွေကို တစ်မျိုးတစ်ဖုံနဲ့ ပြန်​တွေ့ရမယ်ဆို​တော့ ငယ်မူပြန်လို့​ကောင်းမယ့် ဇာတ်ကား​လေးတစ်ပုဒ်ပဲဖြစ်ပါတယ်။