Marmaduke

Marmaduke (2022)

=================

ကဲ animation ချစ်သူများအတွက် အလှည့်ကျလို့လာခဲ့ပါပြီ ၊ May 6 ကမှ Netflix ကနေ အသစ်စက်စက် ထွက်ရှိထားတဲ့ ခွေးကာတွန်းကားလေးပဲ ဖြစ်ပါတယ်

ဇာတ်လမ်းအကျဉ်းကိုပြောရရင်~~~
မားမာဒုခ်ဆိုတဲ့ ခွေးလေးတစ်ကောင်ဟာ သူ့ရဲ့ဟူးမန်းမိသားစုနဲ့အတူ နေထိုင်ကြတယ်ပေါ့ ၊ သူက ပြဿနာရှာတတ်လွန်း မွှေတတ်လွန်းတဲ့ အရှုပ်ထုပ်လေးဖြစ်ပြီး အကြီးမားဆုံးအမွှေကတော့ သူ့သခင်ရဲ့သားလေး ဘီလီရဲ့ မွေးနေ့ပါတီမှာပဲ ဖြစ်ပါတယ် ၊ သူဟာ ဆိုးသွမ်းတာကြောင့် ဘီလီရဲ့မွေးနေ့ရက်မှာ သူ့သခင်က အပြစ်ပေးတဲ့အနေနဲ့ အခန်းထဲ ပိတ်ထားတာပဲဖြစ်ပါတယ် ၊ သူ့ကိုပိတ်ထားတဲ့အခန်းကနေကြည့်ရင် ခြံထဲမှာ မွေးနေ့ပါတီလုပ်နေတာကို သူမြင်နေရတာပေါ့ကွယ် ၊ သူ့အခန်းထဲ ပျား၀င်လာတာကစလို့ ပျားလိုက်ဖမ်းရင်း မှန်ပြတင်းကို ချိုးဖောက်သလိုဖြစ်ပြီး အောက်မှာလုပ်နေတဲ့ မွေးနေ့ပွဲကို ပြုတ်ကျသွားပါတော့တယ် ၊ ပြုတ်ကျပုံကလည်း အောက်က လေထိုးရေကန်တည့်တည့်ကိုမှ ပြုတ်ကျလေတော့ အောက်မှာကလည်း live လွှင့်နေသူတွေရှိတာကြောင့် သူ့အဖြစ်ဟာ ဟိုးလေးတကျော်ဖြစ်သွားတော့တာပေါ့ ၊ အဲဒီကနေ သူ့လို ဆိုးသွမ်းတဲ့ခွေးကို နာခံတတ်အောင် ယဉ်ပါးအောင် လေ့ကျင့်ပေးနိုင်တဲ့သူ မရှိပါဘူးဆိုပြီး သတင်းတွေကနေ ဝေဖန်ကြတာပေါ့

အဲဒီသတင်းကို မြင်လိုက်ရသူကတော့ World Dog Championship မှာ တစ်ကြိမ်တည်းနဲ့ ၆ဆု အနိုင်ရရှိထားတဲ့ Dog Trainer ဂိုင်းဟေလ်တွန်ပဲ ဖြစ်ပါတယ် ၊ လေ့ကျင့်ပေးနိုင်တဲ့သူ မရှိဘူးဆိုတဲ့ သတင်းကြေညာသူရဲ့စကားက သူ့ကိုစိန်ခေါ်သလိုဖြစ်သွားတာကြောင့် မားမာဒုခ်ဆိုတဲ့ခွေးလေးကို သူလေ့ကျင့်ပြီး World Dog Championship ၀င်ပြိုင်ဖို့ သူဆုံးဖြတ်လိုက်ပါတော့တယ် ၊ ခွေးလေးမားမာဒုခ်တို့ရဲ့ အိမ်ကလည်း သူ့ကို နာခံမှုသင်တန်းကျောင်းပို့ဖို့ စဉ်းစားနေကြတာမို့ ရေကန်အသင့်ကြာအသင့်ဖြစ်သွားပြီး သူတို့ခွေးကို လေ့ကျင့်ပေးတာကို လက်ခံပြီး World Dog Championship ၀င်ပြိုင်ရန် ခွင့်ပြုပေးလိုက်ပါတော့တယ် ၊ ဒီလိုနဲ့ ထရိန်နာ ဂိုင်းဟေလ်တွန်နဲ့ ခွေးဆိုးလေး မားမာဒုခ်တို့ ဘယ်လိုစခန်းသွားပြီး World Dog Championship ၀င်ပြိုင်နိုင်ပါ့မလားဆိုတာ ဟာသနှောပြီး ကြည့်ရှုရမှာပဲဖြစ်ပါတယ်။

Translated by Sunny,Monn,MaryChrist&Maymie