“ကိုယ်တွင်းအင်္ဂါတွေကို လှူဒါန်းမယ်ဆိုရင်
ဘ၀မှာ ၂ ခါရှင်သန်ဖို့ အခွင့်အရေးရနိုင်ပါတယ်” တဲ့…။ ဇာတ်လမ်းထဲက တကယ်တန်ဖိုးရှိတဲ့ စကားလေးတစ်ခွန်းပါ။ “Maestro” ဟာ ၂၀၁၈ ခုနှစ်က “Andhadhun” ရုပ်ရှင်ကို remake အဖြစ် ပြန်လည်ရိုက်ကူးထားတာမို့ ပရိသတ်နဲ့ သိပ်စိမ်းမယ်တော့ မထင်ပါဘူး။
မျက်စိအလင်းကို လူတိုင်းတန်ဖိုးထားကြပါတယ်။ ဒါပေမဲ့ မျက်စိမြင်နေရက်နဲ့ မျက်မမြင်ယောင်ဆောင်နေသူတစ်ယောက်ရှိပါတယ်။ သူကတော့ Arun ဆိုတဲ့ စန္ဒရားပညာရှင်ပါ။ သူ့အကြားအာရုံပိုထက်အောင် သူ့ကိုယ်သူမျက်မမြင်တစ်ယောက်အဖြစ် ဟန်ဆောင်နေသူပေါ့။ အဲဒီမျက်မမြင်စန္ဒရားဆရာလေးကိုမှ လေးစားပြီးအကြင်နာပိုမိသူက Sophie…။ အစပိုင်းမှာတော့ သူတို့နှစ်ဦးရဲ့ကြည်နူးစရာ အချစ်ဇာတ်လမ်းလားထင်မိခဲ့ပါတယ်။ တကယ်က အဲဒီလောက် မရိုးရှင်းပါဘူး။
မျက်မမြင်ယောင်ဆောင်နေတဲ့ Arun တစ်ယောက် သူ့ရှေ့မှ လူသတ်မှုတစ်ခုကို ပက်ပင်းတိုးရာကစလို့ ဇာတ်ရှုပ်ကြီးထဲ အလိုလိုခြေချမိသွားပါတယ်။ ရဲတိုင်ဖို့ကြိုးစားပေမဲ့ ထင်သလိုဖြစ်မလာဘဲ သူ့အသက်အန္တရာယ်ကိုပါ ခြိမ်းခြောက်ခံလာရပါတယ်။ အဲဒီဘေးကထွက်ပြေးရင် ကိုယ်တွင်းကလီစာဖြုတ်ရောင်းမယ့်သူတွေကြား ရောက်သွားခဲ့ပြန်ပါတယ်။ အဲဒီအမှုတွေ ဘယ်လိုစပ်နွယ်သွားမလဲဆိုတာ တကယ်စိတ်၀င်စားစရာကောင်းပြီး အလှည့်အပြောင်းကလည်း ကြမ်းပါတယ်။
Arun တစ်ယောက် အသက်ဘေးကလွတ်အောင် ပြေးနိုင်ပါ့မလား၊ လူသတ်မှုကရောအဖြစ်မှန်ပေါ်ပေါက်လာမှာလား၊ သူ့ကို လူလိမ်အဖြစ် စိတ်နာသွားတဲ့ Sophie နဲ့ရော ပြန်အဆင်ပြေပါ့မလား၊ ဘယ်သူတွေကဘယ်လိုဇာတ်သိမ်းကြမလဲဆိုတာကို… ရင်တထိတ်ထိတ်နဲ့ ဆက်လက်ကြည့်ရှုလိုက်ပါနော်။ ဇာတ်ကောင်စရိုက်စုံစုံလင်လင်နဲ့ လူတွေရဲ့သဘောသဘာ၀ကို ထင်ဟပ်ပြထားပြီး သင်ခန်းစာယူစရာတွေလည်း မနည်းပါဘူး။ အချစ်၊ အလွမ်း၊ ရသနဲ့တင်မက တစ်ကားလုံး သည်းထိတ်ရင်ဖိုကြည့်ရမှာဖြစ်တာကြောင့် ရုပ်ရှင်ချစ်သူတိုင်း လက်မလွတ်သင့်တဲ့ ဇာတ်လမ်းကောင်းတစ်ပုဒ်အဖြစ် ညွှန်းပေးလိုက်ပါရစေ။
* Application မှာလည်း ကြည့်လို့ရပါပြီ *
Google Play Store Link – https://play.google.com/store/apps/details?id=com.yeyint.goldchannelrework
Apk Pure Link – https://apkpure.com/gold-channel-movies/com.yeyint.goldchannelrework
=======================
Linkသေနေတဲ့ကာတွန်းကားအကုန်
ကြည့်လို့ရအောင်ပြန်လုပ်ပေးပါ