Hotel Transylvania: Transformania

Covid 19 ကြောင့် အမျိုးမျိုးရွှေ့ဆိုင်းလိုက်ရတဲ့ Hotel Transylvania Transformaniaလေးက နောက်ဆုံးမှာတော့ ထွက်ရှိလို့လာပြီဆိုတော့ animationကြိုက်တဲ့ ပရိသတ်တို့အတွက် အချိန်နဲ့တပြေးညီ တင်ဆက်ပေးလိုက်ပါပြီနော်။

Hotel Transylvaniaရဲ့ထုံးစံအတိုင်း Hotelကြီးရယ် Dracတို့မိသားစုနဲ့ Dracရဲ့တပည့်တွေနဲ့ အလွဲပေါင်းသောင်းခြောက်ထောင်နဲ့ ဇာတ်လမ်းကို စတင်ထားပါတယ်။ ဒီ Transylvania 4 မှာ‌တော့ Draculaတစ်ယောက် အနားယူဖို့တွေးနေပြီးတော့ ဟိုတယ်ကြီးကို သမီးနဲ့သားမက်ကို လွှဲပေးဖို့ပြင်ဆင်နေခဲ့ပါတယ်။ ဒါပေမဲ့ အမြင်ချင်းအမြဲကွဲလွဲနေတဲ့ ကပျက်ကချော်သားမက်ဖြစ်သူ Johnnyကြောင့် Draculaတစ်ယောက် ဟိုတယ်ကိုမပေးရရေးအကြံကုန်ထုတ်လို့ Monsterကိုပဲ အမွေဆက်ခံလို့ရတယ်ဆိုတဲ့ ကိုယ်တိုင်ဖန်တီးဥပဒေနဲ့ Johnnyကို မလှိမ့်တပတ်လုပ်လိုက်တော့တာပေါ့။ ယွခမကြည်ဖြူတာခံချင်တဲ့ Johnnyတစ်ယောက်လည်း Monsterပြောင်းဖို့ နည်းလမ်းရှာရင်း Van Helsingရဲ့ Monsterfication Rayကို လက်တည့်စမ်းရင်း Monsterတွေကလူဖြစ် လူတွေကMonsterဖြစ်နဲ့ ကမောက်ကမတွေ ဖြစ်ကုန်တော့တာပေါ့။ ဒီတော့ ပြောင်းလဲမှုတွေ အတည်တကျမဖြစ်ခင်မှာ မူရင်းပုံစံကို ပြန်လည်ပြောင်းလဲဖို့အတွက် သူတို့ခရစ္စတယ်ရှာပုံတော်ထွက်လာပုံကို ကြည့်ရှုရမှာပါ။ ရိုးရှင်းတဲ့ဇာတ်လမ်းနဲ့ပဲ ကြည့်ရှုသူရဲ့နှလုံးသားထဲမှာ အမြဲနေရာယူနေကြ Hotel Transylvania Animationက ဒီတစ်ခါမှာရော ဘယ်လိုရသတွေ ပေးဦးမလဲ။ Transylvania 1 ကတည်းက အမြဲရန်သတ်နေတဲ့ သားမက်ယောက္ခမရော ပြန်အဆင်ပြေမှာလား မူလပုံစံကိုရော ပြန်ပြောင်းနိုင်မှာလားဆိုတာကိုတော့ ဇာတ်လမ်းလေးမှာပဲ ဆက်လက်ကြည့်ရှုလိုက်ကြပါ။ Hotel Transylvania 1,2,3လုံးမှာ ပရိသတ်တွေရဲ့အသဲစွဲဖြစ်လာတဲ့အပြင် Sonyကရိုက်ကူးထားတဲ့ Animation movieဖြစ်တာမလို့ Qualityပိုင်းကတော့ အပြစ်ပြောစရာမရှိပါဘူး။ ဒီတော့ တွေဝေမနေဘဲ အခုပဲကြည့်ရှုခံစားဖို့ Recommendပေးလိုက်ပါတယ်။

Translated by Mary Christ, Sunny, C’mon, May Mi Kyaw & Zac

Reviewed by Mary Christ