Ella And The Little Sorcerer

Little Sorcerer (2022)

==================

ကြားဖူးနေကျ မင်းသားလေး ၊ မင်းသမီးလေးနဲ့ စုန်းမကြီးတို့ကားမျိုးပါပဲ ၊ တစ်ခါတုန်းကပေါ့ကွယ် အဲလက်စ်လို့ခေါ်တဲ့ မင်းသားချောလေးရှိသတဲ့ ၊ တစ်နေ့မှာ စုန်းမဆိုးကြီးတစ်ယောက်က မင်းသားလေးကို ကြွက်အဖြစ်ပြောင်းလိုက်ပြီး အိုလက်ဖ်လို့ခေါ်တဲ့ မင်းသားအတုနဲ့ သူ့နေရာမှာ အစားထိုးခဲ့သတဲ့ ၊ ဒါပေမယ့် နောက်ပိုင်းမှာ အယ်လာလို့ခေါ်တဲ့ ရဲရင့်ပြီး လုပ်ရည်ကိုင်ရည်ရှိတဲ့ မိန်းကလေးဟာ သူမရဲ့သူငယ်ချင်းတွေဖြစ်ကြတဲ့ ခရစ္စတယ်လို့ခေါ်တဲ့ မှော်ဆရာမလေးရယ် ၊ ဝေါ်တာနဲ့ မန်နီလို့ခေါ်တဲ့ ကြွက်နှစ်ကောင်နဲ့အတူ စုန်းမဆိုးကြီးနဲ့ အိုလက်ဖ်ကို အနိုင်တိုက်ခဲ့ကြသတဲ့ ၊ သို့သော်ငြားလည်း သူမလေး ရှုံးနိမ့်သွားတဲ့အတွက် စုန်းမဆိုးကြီးဟာ သူမရဲ့မှော်အစွမ်းတွေကို နောက်ဆုံးအကြိမ်အနေနဲ့ စုစည်းပြီး အယ်လာလေးကို ကျောက်ရုပ်အဖြစ် ပြောင်းလိုက်သတဲ့ ၊ သူ့အတွက် စတေးခံခဲ့တဲ့ အယ်လာကိုမြင်လိုက်ရတော့ မင်းသားအဲလက်စ်ဟာ သူ့ရဲ့လူသားခန္ဓာကို စွန့်လွှတ်ခဲ့တယ်တဲ့ ၊ အဲဒီတော့မှ အယ်လာလေးက အသက်ပြန်ရှင်လာပြီး သူကတော့ နောက်တစ်ဖန် ကြွက်အဖြစ်ပြန်နေခဲ့တာပေါ့ကွယ်

ဒီလိုနဲ့ အယ်လာနဲ့ သူ့သူငယ်ချင်းတွေဟာ အဲလက်စ် လူပြန်ဖြစ်ဖို့နည်းလမ်းကို နေ့တိုင်းရှာဖွေနေကြတာပေါ့ ၊ ကောင်းနိုးရာရာနည်းလမ်းတွေ တွေ့လိုက် စမ်းကြည့်လိုက်နဲ့ နောက်ဆုံး ဒေါက်တာအကုန်သိ လို့ခေါ်တဲ့ ပညာရှိလိပ်ကြီးဆီ အကူအညီတောင်းဖို့ ရောက်သွားကြသတဲ့ ၊ ဒေါက်တာအကုန်သိ ပြောတဲ့နည်းအတိုင်း သူတို့လိုက်လုပ်ရင်း ဘယ်လိုအခက်အခဲတွေ စွန့်စားခန်းတွေနဲ့ကြုံရမလဲ ၊ ဟာသလေးတွေနှောပြီး ရိုက်ကူးပြထားတာမို့ ကြည့်ရတာ အပျင်းလည်းပြေမယ် ၊ ချစ်စရာကာတွန်းကားလေးဖြစ်နေတာမို့ မျက်စိပသာဒလည်းဖြစ်တယ် ၊ ကဲ ဒီလောက်ကောင်းကွက်တွေများနေမှတော့ ဘာစောင့်နေတော့မလဲ ပရိသတ်ကြီး Sunny ရွှီးတာ အဲလေ ညွှန်းတာဟုတ်မဟုတ် ကိုယ်တိုင်ပဲ ကြည့်ရှုခံစားလိုက်ကြပါတော့နော်

Translated by Sunny & MaryChrist
Review by Sunny