window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'G-RHKW6HGVZY');
Agent Game (2022)
============
Actionကားနှစ်သက်သူမှန်ရင် CIA, FBIနဲ့ကင်းကြမှာမဟုတ်ပါဘူး။ ငယ်စဉ်ကSpy thriller moviesတွေကြည့်ရင်းနဲ့ ကော်ရုပ်သေနတ်လေးနဲ့ အထူးအေးဂျင့်လုပ်တမ်းကစားဖူးကြမှာပါ😁။ ဒါပေမဲ့ Spyတွေရဲ့ဘဝဟာ ကျနော်တို့ကြည့်ဖူးနေကြရုပ်ရှင်တွေထဲကမင်းသားလို စတိုင်မိုက်မိုက်နဲ့ ပြဿနာအားလုံးဖြေရှင်းနိုင်တာတော့ မဟုတ်ပါဘူး။ ဒါကိုတော့ Mel Gibsonရဲ့ Agent Gameဆိုတဲ့ရုပ်ရှင်လေးက ပုံဖော်ထားပါတယ်။
Bill, Harrisနဲ့ Visserတို့ agent 3 ယောက်ဟာ Omarကို အကြမ်းဖက်မှုနဲ့စွဲချက်တင်ပြီး စစ်ဆေးမေးမြန်းဖို့ ဌာနချုပ်ကို ခေါ်ဆောင်လာပါတယ်။ ဒါပေမဲ့ အထက်လူကြီးတွေရဲ့ အကွက်ရွှေ့မှုနဲ့ စစ်ဆေးရေးအရာရှိHarrisဘဝကနေ Millerတို့အဖွဲ့ရဲ့ အဖမ်းဆီးခံဘဝကို တစ်မဟုတ်ချင်းရောက်ရှိသွားရတဲ့အပြင် သူငယ်ချင်းဖြစ်သူ Billကိုလည်း ဆုံးရှုံးလိုက်ရပါတယ်။ Billရဲ့သေဆုံးမှုအတွက် တာဝန်ရှိသူဟာ Visserဆိုတာ သိရပြီးတဲ့နောက်မှ Harrisတစ်ယောက် Millerတို့အဖွဲ့ကိုစည်းရုံးပြီး Billအတွက် လက်စားချေဖို့ အကွက်ချကြံစည်ပါတော့တယ်။ ဒါပေမဲ့ ပြဿနာအားလုံးရဲ့ နောက်ကွယ်ကကြိုးကိုင်သူအစစ်က သူတို့ထင်ထားတဲ့ Visserထက် အဆပေါင်းများစွာ အာဏာရှိသူဖြစ်နေပြီးတော့ သူတို့ရဲ့ပစ်မှတ်ကိုယ်တိုင် သားကောင်ဘဝရောက်နေတဲ့အခါမှာ Harrisနဲ့ Millerတို့အဖွဲ့ အသက်ရှင်ဖို့ ဘယ်လိုရုန်းကန်ကြရမလဲဆိုတာကတော့…
မိမိကိုယ်တိုင် သားကောင်လား မုဆိုးလား မသေချာမရေရာတဲ့ သူလျှိုတွေရဲ့ဘဝ၊ အထက်လူကြီးရဲ့ ထားရာနေစေရာသွား လိုသုံး စတေးခံဘဝကနေ သူတို့တွေအချိန်မှီ အသိဝင်ပြီး ရုန်းထွက်နိုင်ပါ့မလား။ Olsenကရော သူတို့တွေကို ဘယ်လိုရက်စက်စွာနဲ့ နှိမ်နင်းမလဲဆိုတာကို သေနတ်သံတညံညံ သွေးသံတရဲရဲကြည့်ရှုရမှာဖြစ်လို့ Actionကားနှစ်သက်သူတွေအတွက် ရွေးချယ်စရာတစ်ခုဖြစ်မှာပါ။
Translated by Mary Christ, Keith, La Pyae & Karine
Reviewed by Mary Christ