The Long Night

The Long Night (2022)

===================

ကဲ ယခုတစ်ခေါက် အလှည့်ကျလာကတော့ Horror ချစ်သူတွေအတွက်ပဲ ဖြစ်ပါတယ် ၊ အသဲတထိတ်ထိတ် ရင်တဖိုဖို ကြည့်ရှုရတာမှ ကြိုက်ပါတယ်ဆိုသူတွေအတွက် GC ကနေ တင်ဆက်ပေးလိုက်ပါပြီနော်

ဇာတ်လမ်းအကျဉ်းကို ပြောရရင်…….
ဂရေ့စ် နဲ့ ဂျက်ခ် ဆိုတဲ့ ချစ်သူနှစ်ဦးဟာ နယူးယောက်ခ်မြို့မှာ နေထိုင်ကြသူတွေ ဖြစ်ပါတယ် ၊ Grace ဟာ မွေးစားခံခဲ့ရပြီး သူမရဲ့ မိဘအရင်းတွေနဲ့ ပတ်သက်လို့ ငယ်စဉ်ကတည်းက ဘာမှ မသိခဲ့သူမို့ သူမမိဘတွေဟာ ဘယ်သူတွေ ဖြစ်တယ် ၊ ဘယ်မှာနေတယ် စသဖြင့် စုံစမ်းနေတဲ့သူပဲ ဖြစ်ပါတယ် ၊ Grace ကို စုံစမ်းပေးတဲ့သူနာမည်က ဖရန့်ခ်တဲ့ ၊ ဇာတ်လမ်းစစချင်းမှာ ဖရန့်ခ်က ဂရေ့စ်ကို ဖုန်းဆက်လာပါတယ် ၊ သူ့မိသားစုနဲ့ ပတ်သက်လို့ တစ်ခုခု သိထားရပြီမို့ သူနေတဲ့ ဂရေ့စ်တို့ဇာတိဖြစ်တဲ့ အမေရိကန်တောင်ပိုင်းကို လာခဲ့ဖို့ ခေါ်လိုက်ပါတော့တယ်

အဲဒါနဲ့ ဂရေ့စ်တို့စုံတွဲ ဖရန့်ခ်ရှိတဲ့ နေရာလည်းဖြစ် ဂရေ့စ်ရဲ့ ဇာတိလည်းဖြစ်တဲ့ အမေရိကန်တောင်ပိုင်းကို လိုက်သွားကြတာပေါ့ ၊ ဟိုလည်း ရောက်ရော ဖရန့်ခ်က သူ့အိမ်မှာ ရှိမနေပါဘူး ၊ ဒါပေမယ့်လည်း သူက သူမရှိချိန် ရောက်လာရင် ၀င်နေလို့ရအောင်ဆိုပြီး သော့ထားတဲ့နေရာကို ပြောပြထားလို့ သူတို့စုံတွဲ ဖရန့်ခ်အိမ်မှာ ဖရန့်ခ်ပြန်အလာကို စောင့်ရင်း နေနေကြတာပေါ့ ၊ အိမ်ကြီးက စရောက်ကတည်းက နေရတာ ထူးဆန်းနေပြီး မြွေတွေပေါတယ် ၊ အပုပ်နံ့တွေလိုလို ရတယ် ၊ သိပ်အဆင်မပြေလှဘူးပေါ့ ၊ ဂရေ့စ်ကလည်း မိဘတွေအကြောင်း သိချင်သူ‌မို့ သည်းခံပြီး စောင့်နေကြရင်း ညရောက်လာပါတော့တယ် ၊ ကဲ ညလည်းရောက်ရော ဇာတ်လမ်းနာမည် Long Night ဆိုတဲ့အတိုင်း ဘယ်လောက်တောင် ရှည်လျားလှတဲ့ ညတစ်ည ဖြစ်နေမလဲဆိုတာ အောက်က ပိုစတာကို ကြည့်ရင်းသာ တွေးကြည့်လိုက်ပါတော့နော်😖

Review by Sunny
Translated by Sunny and Mary Christ