The United Way (2021)

The United Way (2021)
========================
GC ပရိတ်သတ်တွေအများကြီးရှိတဲ့အထဲမှာမှ ဒီတစ်ခါဇာတ်ကားလေးကတော့ မန်ယူဖန်လေးတွေအတွက်ပါ။
ဘောလုံး‌အားကစားနဲ့ အကျွမ်းတဝင်ရှိတဲ့လူတိုင်းရော ဘောလုံးအားကစားနဲ့ မရင်းနှီးတဲ့လူတွေအထိပါ မန်ယူလို့ပြောလိုက်တာနဲ့ မသိတဲ့သူဆိုတာရှာမှရှားပါပဲ၊ အဲ့ဒီလိုပါပဲ ဒီတစ်ခါဇာတ်ကားကလည်း ကမ္ဘာကျော်အသင်းတစ်သင်းဖြစ်တဲ့ မန်ယူအသင်းအကြောင်း ရိုက်ကူးထားတဲ့ဇာတ်ကားပါပဲ။ မန်ချက်စတာယူနိုက်တက်အသင်း ဖြစ်တည်လာပုံအဆင့်ဆင့် ကျော်ဖြတ်ခဲ့ရတဲ့အခက်အခဲတွေကို သေသေချာချာပြသထားတဲ့ အတ္ထပတ္တိကားကောင်းတစ်ကားပါပဲ။

အောင်မြင်မှုတိုင်းရဲ့နောက်ကွယ်မှာ အခက်အခဲတွေ ခါးသီးမှုတွေကတော့ ရှိစမြဲပါပဲ၊ ဒီလိုပဲ အားလုံးသိကြတဲ့မန်ယူအသင်းမှာလည်း ခက်ခဲခဲ့တဲ့အချိန်တွေ ခါးသီးရတဲ့အတိတ်တွေရှိခဲ့ပါတယ်။ ဒီကားလေးမှာ မန်ယူအသင်းဆိုလို့ စပြီးဖြစ်တည်လာပုံကနေ ကြုံရတဲ့အတားအဆီးတွေ အသင်းဖွဲ့စည်းခဲ့ပုံအဆင့်ဆင့် နည်းပြအပြောင်းအလဲတွေ နာမည်ကျော်ဒိတ်ဒိတ်ကြဲ ကစားသမားတွေအကြောင်း၊ အဲရစ်ကန်တိုနာ၊ ဒေးဗစ်ဘက်ခမ်း၊ အိုလီဂန်းနားဆိုးရှား စတဲ့ကစားသမားတွေရဲ့ အသင်းမှာဖြတ်သန်းခဲ့ကြပုံတွေ မြူးနစ်ဖြစ်ရပ်ဆိုးအကြောင်း၊ အဲရစ်ကန်တိုနာရဲ့ ကမ္ဘာကျော်ကွန်ဖူးကစ်အကြောင်း စသဖြင့် “သုံးမိနစ်မန်ယူ”ဆိုတဲ့စကားဖြစ်တည်လာခဲ့တဲ့ ဘိုင်ယန်မြူးနစ်နဲ့ဖိုင်နယ်ပွဲစဉ်တွေအထိ အဆင့်ဆင့်ကိုအသေးစိတ်ရိုက်ကူးပြထားတာပဲဖြစ်ပါတယ်။

ဒီဇာတ်ကားမှာ ပရိတ်သတ်ချစ်ကစားသမားတွေဖြစ်ကြတဲ့ အဲရစ်ကန်တိုနာ ဒေးဗစ်ဘက်ခမ်း ဂိုးသမားကြီးပီတာရှမိုက်ကယ်အပြင် ယခုမန်ယူနည်းပြဖြစ်တဲ့ အိုလီဂန်းနားဆိုးရှားတို့ကပါ သူတို့အသင်းရဲ့သမိုင်းကြောင်း သူတို့ကစားသမားဘဝတစ်လျှောက်ဖြစ်ရပ်တွေ အမှတ်တရတွေကိုပြောပြထားကြတာမို့ မန်ယူပရိတ်သတ်GC Fanများအနေနဲ့ မိမိအားပေးတဲ့အသင်းအကြောင်း စုံစုံလင်လင်သိအောင်ကြည့်သင့်တဲ့ကားလေးတစ်ကားဖြစ်ကြောင်း ညွှန်းပေးလိုက်ရပါတယ်

Translated and Review by Zac

* Application မှာလည်း ကြည့်လို့ရပါပြီ *

Google Play Store Link - https://play.google.com/store/apps/details?id=com.yeyint.goldchannelrework

Apk Pure Link - https://apkpure.com/gold-channel-movies/com.yeyint.goldchannelrework

=======================