Fear Street: 1666 (2021)

Fear Street part 1 နဲ့ part 2 မှာတော့ Shadysideမှာဖြစ်‌နေတဲ့ကျိန်စာတွေ ထူးဆန်းတဲ့လူသတ်မှုတွေအကြောင်းကို ဖော်ပြထားပြီး Part 3 မှာတော့ ၁၆၆၆ ခုနှစ်ကဖြစ်ခဲ့တဲ့ အဖြစ်အပျက်တွေကို Deenaက ပြန်မြင်ရတဲ့ပုံစံနဲ့ပြထားပါတယ်။ Part 2 မှာ လူတွေကိုဝင်ပူးပြီးတော့ သတ်ဖြတ်နေတယ်လို့ ယုံကြည်ထားတဲ့ Sarah Fierရဲ့ဘဝနဲ့ ကျိန်စာရဲ့အစကို Part 3 မှာပြန်ရှင်းထားပါတယ်။ အဲဒီမှာတော့ Sarah Fierနဲ့ Hannah Millerတို့ဟာ Lesbianဖြစ်နေတာတစ်ခုတည်းနဲ့ စုန်းမလို့စွပ်စွဲခံရပြီး ကြိုးပေးခံလိုက်ရတာပါ။ ဇာတ်လမ်းတစ်လျှောက်လုံးမှာ villainဖြစ်လာတဲ့ Sarah Fierကတကယ်တော့ ကျိန်စာနဲ့စတေးခံရသူတွေထဲကတစ်ယောက် ဖြစ်ပြီးတော့ အဲဒီတုန်းကအဖြစ်အပျက်တွေကို Deena တို့ Ziggyတို့ကို အသိပေးနေခဲ့တာပါ။ တကယ်တော့ နတ်ဆိုးနဲ့အပေးအယူလုပ်ခဲ့တာက Solomon Goodeဖြစ်ပြီး ဒီကျိန်စာတွေရဲ့အစက Shadysideမဟုတ်ဘဲ Sunnyvaleကို
အစဉ်အဆက်အုပ်ချုပ်ခဲ့တဲ့ ကြောင်သူတော်Goodeတို့မိသားစု ဖြစ်နေတဲ့အခါ…
ကျိန်စာတွေ နှစ်ပေါင်းများစွာ ဆက်လက်အသက်ဝင်နေအောင် ဘယ်သူက နတ်ဆိုးနဲ့ဆက်လက်ပြီး အပေးအယူလုပ်နေတာလဲ။ Sunnyvaleမှာအမြဲတမ်း ချမ်းသာကြွယ်ဝပြီး တိုးတက်နေတာကရော ကျိန်စာတွေနဲ့ ဘယ်လိုတွေ ပတ်သတ်နေမလဲ။ ကျိန်စာတွေကိုရပ်တန့်ဖို့အတွက် Deenaတို့မောင်နှမနဲ့ Ziggyတို့ကြိုးစားတဲ့အခါ နတ်ဆိုးကရော ဘယ်လိုနှောင့်ယှက်ဦးမလဲ။ သူတို့တွေရော ဒီကျိန်စာတွေကို အောင်အောင်မြင်မြင်အဆုံးသတ်နိုင်ပါ့မလားဆိုတာကို ဒီFear Street part 3 မှာ ရင်တထိတ်ထိတ်နဲ့ ကြည့်ရှုအဖြေရှာရအောင်ပါ။