Ode to My Father (2014)

Ode to My Father (2014)

ဒီကားလေးကတော့ ကိုးရီးယားစစ်ပွဲကို အခြေခံပြီးရိုက်ထားတာပါ။ ကိုးရီးယားစစ်ပွဲအတွင်း စစ်ကိုရှောင်ရင်းကွဲကွာသွားကြတဲ့ Duksoo တို့မိသားစုအကြောင်းကို ကြီးကြယ်ခမ်းနားမှုတွေမပါဘဲနဲ့ ရိုးရှင်းစွာပုံဖော်ထားပါတယ်။ စစ်ကိုရှောင်ဖို့ပြေးကြရင်း Duksoo ရဲ့ ညီမလေးကပျောက်သွားခဲ့တယ်။ ညီမလေးကိုလိုက်ရှာရင်း အဖေလည်းသင်္ဘောပေါ်မတက်နိုင်ဘဲ ကျန်နေခဲ့တယ်။ အဲ့အချိန်ကစပြီးတော့အကြီးဆုံးသားဖြစ်တဲ့ Duksoo က မိသားစုကိုစောင့်ရှောက်ခဲ့ရတယ်။ စစ်ပြီးကာလဟာ ကိုးရီးယားပြည်သူတွေအတွက် အသက်ရှင်နေထိုင်စားသောက်ဖို့ အရမ်းကိုခက်ခဲခဲ့တယ်။ Duksooကလည်း အမေနဲ့အငယ်နှစ်ယောက်ကို ထောက်ပံ့ဖို့ ၊ အများနဲ့တန်းတူထားနိုင်ဖို့ အတွက် ခက်ခဲကြမ်းတမ်းလှတဲ့ ဂျာမနီမှာ အသက်စွန့်ပြီးမိုင်းသွားတူးခဲ့တယ်။ အဲ့ဒီမှာအချစ်နဲ့တွေ့ရှိပြီး နောက်ဘာဆက်ဖြစ်မလဲဆိုတာကတော့ ကိုယ့်ဘာသာကိုယ် ခံစားကြည့်စေချင်ပါတယ်။ နောက်ဆုံးမှာ Duksoo တို့ မိသားစုပြန်လည်စုံစည်းမလား။ Duksoo ကရော သူ့အဖေကိုပေးထားတဲ့ကတိကို တည်နိုင်မလား။

ဒီကားလေးက 2014 တုန်းကထွက်ရှိခဲ့ပြီး ကိုးရီးယားရုပ်ရှင်လောကမှာအရမ်းကို hit ဖြစ်ခဲ့တဲ့ကားလေးပဲဖြစ်ပါတယ်။ ရုံတင်ပြသစဉ်တုန်းကလည်း လက်မှတ်ပေါင်း 14သန်းကျော်ရောင်းခဲ့ရပြီးတော့ ဒေါ်လာပေါင်း 145သန်းကျော် ပြန်လည်ရရှိခဲ့ပါတယ်။ ခေါင်းဆောင်မင်းသားနဲ့ မင်းသမီးကငယ်ငယ်ချောချောလေးတွေမဟုတ်လို့ စိတ်မပျက်ကြပါနဲ့။ 2နာရီ အတွင်းဇာတ်လမ်းက ပျင်းစရာအချိန်မရှိအောင် ဆွဲခေါ်သွားပြီး 2နာရီဆိုတဲ့ အချိန်ကုန်ရကျိုးနပ်စေမယ်လို့ ယုံကြည်ပါတယ်။ တစ်ခုမှာချင်တာကတော့ အနားမှာ တစ်ရှူးဘူးကြီးကြီးယူထားပါလို့။ အစ်ကိုကြီးတစ်ယောက်၊ သားအကြီးဆုံးတစ်ယောက်နဲ့ မိသားစုအပေါ် စွန့်လွှတ်အနစ်နာခံမှုတွေ၊ စစ်ရဲ့အကျိုးဆက်ကိုခံရတဲ့ အဲ့ဒီခေတ်အခါက ကိုးရီးယားပြည်သူတွေရဲ့ဘဝကိုအချစ်၊ အလွမ်း၊ ဟာသ၊ မျက်ရည်များနဲ့ ကြည့်ရှုခံစားရမှာဖြစ်ပါတယ်ရှင်။

Translated by Khin Sein
Reviewed by Khin Sein
Encoded by mk
IMDB > 7.8
Genre >Drama
Quality >Blu Ray
Run Time > 2H6min
Size > 910MB / 380MB